Baciate chi vi pare
|
C'l artìcul chè 'l è scrit in
Miranduléś |
 Embrassez qui vous voudrez | ||
| Baciate chi vi pare | ||
 La Clotilde Courau e Elbaz in na figùra dal film | ||
| Baśâ pur chi vlî 2002 | ||
|---|---|---|
| Regìa: Michel Blanc | ||
| Scritōr: Michel Blanc • Joseph Connolly | ||
| Atōr: Charlotte Rampling • Jacques Dutronc Carole Bouquet • Michel Blanc • Clotilde Courau Vincent Elbaz • Denis Podalydès • Karin Viard | ||
| Müsica: Mark Russell | ||
| Léngua: Francéś • Ingléś • Tedésc • Itagliàṅ | ||
| Dürä dal film: 103 minüt | ||
| Nasiōṅ: Régn Unî • Frància • Itàglia | ||
Baciate chi vi pare (Baśâ pur chi vlî) 'l è na cumèdia francéśa, itagliàna e britànica dal 2002 ad Michel Blanc trata da 'l rumànś «Summer Things» ad Joseph Connolly.
Sunt
[mudéfica la surzéia]Betrand Lannier (Jacques Dutronc) e sò mujér Elisabeth (Charlotte Rampling) i èṅ na còpia cun di bèsi ch'la gh'à da partìr p'r al vacànsi ma a 'l ùltim minùt lò al s tira indrē. L’Elisabeth la ciàma alóra a 'l sò pòst la sò amìga Julie (Clotilde Courau) che però na vòlta l'éra stada l'amànta ad Betrand. Armàś a Parì chi lò al s la pasa bèṅ listés parchè al s pòrta a lèt un négar ch'al lavóra sèg, Kevin (Sami Bouajila).
Da 'l cant suo la Julie la cgnós là al ciavadōr Maxime (Vincent Elbaz) e la pénsa 'd avér catâ 'l óm giùst par lē. A s divertìs dimóndi méno Jérôme (Denis Podalydès) parchè 'l è in buléta sparàda ma al n al dà minga a védar a sò mujér Véronique (Karin Viard) e a sò fiōl Loïc (Gaspard Ulliel). 'L óm al gh'à anc al visi ad tgnir dacàt di cuntadōr dal gas avénd anc pruâ a cupàr-as.
In d'l albêrg i gh'èn anc la Lulu (Carole Bouquet) e Jean-Pierre (Michel Blanc), 'n óm dimóndi gelōś ad lē. L’Elisabeth la finìs pò a lèt cun Loïc ch'al prév èsar sò anvō da 'l tant ch'l è śōvan.