Bachelor Party - Addio al celibato

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Bachelor party
Bachelor Party - Addio al celibato
Bachelor party.png
Hanks, l'Aames e Zmed in na figùra dal film
Ultma fèsta da put
1984
Regia: Neal Israel
Scritùr: Bob Israel • Neal Israel • Pat Proft
Atùr: Tom HanksAdrian ZmedTawny Kitaen
George GrizzardBarbara StuartRobert Prescott
Müsica: Robert Folk • Tom Jenkins • Barry Schleifer
Lengua: Ingléś
Dürä dal film: 105 minüt
Nasiòṅ: Stat Unî


«
Vgnî nòsc a l'ultma fèsta da put più śvargugnàda, pîna 'd pcâ e 'd armàgn'r-ag a bóca vèrta.»
(Tagline dal film)


Bachelor Party - Addio al celibato (Ultma fèsta da put) 'l è na cumèdia americàna dal 1984 ad Neal Israel. La pinsàda p'r al film l'è nada pròpria durànt n'ultma fèsta da put véra, fata da 'l prudutōr Ron Moler insém a 'n grup 'd amìg par Bob Israel, prudutōr anca lò.

Custâ siē migliòṅ ad dòlar, al film al 'n à pò purtâ a cà da piò ad trént'òt.

Sunt

Rick Gassko (Tom Hanks) al fà 'l autìsta ad bus, 'l è fóra 'd tèsta e a gh piàś dimóndi far di schèrs a la gint. Dòp soquànt an da fidansâ adès 'l è rivâ 'l mumènt par lò ad spuśàr la sò muróśa, la Debbie (Tawny Kitaen). Tgnéd a drē a 'l tradisiòṅ, chi lò 'l è prònt par divertìr-as a n'ultma fèsta da put insém a di sò amìg purcùs e femnàr, da tgnir-as in na suite in 'n hutèl da lcàr-'s i barbìś.

I genitōr dla spóśa, al sgnōr Thompson (George Grizzard) e sò mujér (Barbara Stuart), i gh'aṅ un muć ad bèsi e i n s al cumpatìsan briśa parché i pènsan ch'al n sia minga a 'l sò livèl. I próan anc in tut al manéri a mandàr a l'ària 'l matrimòni, insfilsànd dū putàni a la fèsta, ma a n gh'è gnint da far. Gnanc dmandànd ajùt a 'l vèć murōś dla Debbie i gh la càv'n a purtàr a cà quèl.

Anc s'i sò amìg i gh cunsìlian ad pinsàr-ag bèṅ prima 'd far 'l ùltim pas, Rick al decìd 'd andàr avànti listés e ad mantgnìr la sò paròla.

Culegamènt estéran