Baby Killer

Da Wikipedia.

C'l artìcul chè 'l è scrit in Miranduléś Emiliàn

It's Alive!
Baby Killer

John P. Ryan in na figùra dal film
Putèṅ sasèṅ
1974
Regìa: Larry Cohen
Scritōr: Larry Cohen
Atōr: John P. RyanSharon FarrellJames Dixon
Guy StockwellShamus LockeAndrew Duggan
Müsica: Bernard Herrmann
Léngua: Ingléś
Dürä dal film: 91 minüt
Nasiōṅ: Stat Unî


«
A gh'è 'n quèl sōl ch'a traśa c'n al putèṅ di Davies... 'L è viṿ.»
(Tagline dal film)


Baby Killer (Putèṅ sasèṅ) 'l è 'n film ad scarésa americàṅ dal 1974 ad Larry Cohen. Al gh'à abû dū séguit sèmpar girâ par Cohen: It Lives Again dal 1978 e Baby Killer 3 dal 1987.

A 'l inìsi quànd 'l è vgnû fóra 'l è stâ 'n fiàsc, sōl tri an dòp al gh'à abû sucès rivànd a far sù da piò ad sèt migliòṅ ad dòlar.

Sunt

Frank Davies (John Ryan), cunsulènt ad relasiòṅ pùblichi, e sò mujér Lenore (Sharon Farrell), raśdōra, i vìv'n a Los Angeles. I gh'àṅ bèla 'n baghét 'd ùnd'ś an, Chris (Daniel Holzman), ma adès la dóna la gh'à 'd avér-an 'n àtar. A 'l uśdàł la Lenore la dà a la luś un putèṅ dal tut dasfurmâ, c'n un cô eśagerâ, ch'al scapa via da la sala part dòp avér cupâ tut i mèdag e gl'infarmēr.

Frank, ch'al vèṅ anc licensiâ, al s mét 'd acòrd c'n al tenènt Perkins (James Dixon) par catàr al móst'r e far-al fóra. In cal mént'r al mèdag ad famìja di Davies, ch'l iva urdnâ a la dóna dal madśìni da tōr, al dascór c'n al cap dla cà ch'la vindìva chi fàrmag lè. Chi lò al gh diś ch'l è fàcil ch'al putèṅ al sia nâ acsè daśgrasiâ par via dal madśìni tòlti e dònca a gh'è da far-al sparìr in présia prima ch'la gint la végna a savēr i fat cum i stànan.

Culegamènt estéran