Atacamèint

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Na putèina dimòndi tachèda ala nunòuna in na pitùra ed Max Rentel dal 1911.

'L atacamèint (attaccamento in itagliàṅ), 'l è na manéra ed tóres e 'd conportères, tra dō persòuni, ch'a strìca un legàṁ particolèr tra lōr dō.

A s in pōl catèr el raìś in cal ligàṁ primàri ch'a gh'è tra 'n putèin e cla persòuna granda ch'a s'è tolta a cōr che lò 'l chersìs bèin, la só mama o anca 'n èter caregiver.

Cuś'in dìś la Psicologìa

Soquànt psicòlog, in particolèr John Bowlby e Mary Ainsworth, i àn strulghê di esperimèint e oservê diferèinti sorti 'd atacamèint di putèin ala só mama, per vìa 'd catèr dal teorìi ch'i spieghìsen cum'a s vin sù s'a s gh'à avû dimòndi o pòc atacamèint col caregiver da cìc.
Dòp 'd avér oservê el rispòsti ed soquànti mèdri ai só putèin ch'i i ciamèven col só piant da cichìn cichìn, e la manéra ed tórsla e 'd mucèr sù un caràter schifiltōś, difidèint, o tranqvìl di putèin, i psicòlog i àn catê prìma 3, pò più tèrdi, 4 manéri diferèinti 'd atacamèint di putèin ala só mama:

  • Atacamèint sicùr;
  • Atacamèint mìa sicûr/ch'al s'fà da pèrt;
  • Atacamèint ansiōś/ambivalèint;
  • Atacamèint mìa orientê/mìa organiśê

In dal specìfic, a s è catê che 'n atacamèint sicùr ala mama o a 'l papà, o ala nòna, al permèt a 'l putèin 'd èser più tranqvìl e interesê a esplorèr 'l ambiìnt dintórna.

Manéri 'd dìr

  • (CARPŚ) Chi du ragàs lè i ìn dimòndi tachê. (IT) Quei due ragazzi sono molto attaccati tra loro.
  • (CARPŚ) L'è na ragàsa dimòndi tachèda a só mèder. (IT) È una ragazza molto attaccata a sua madre.
  • (CARPŚ) La gh'è tachèda damànd la taiadèla a 'l meschel, (IT) Gli è attaccata (affezionata) come la tagliatella al mestolo.

Vōś lighèdi

Noti e referèinsi

Èter progèt

Colegamèint estèren