Arrapaho

Da Wikipedia.

C'l artìcul chè 'l è scrit in Miranduléś Emiliàn

Arrapaho

Daniele Pace (Palla Pesante) in na figùra dal film
id.
1984
Regìa: Ciro Ippolito
Scritōr: Ciro Ippolito
Daniele Pace • Silvano Ambrogi
Atōr: Urs AlthausDaniele PaceTinì Cansino
Alfredo CerrutiTotò SavioGiancarlo Bigazzi
Armando MarraMarta BifanoRenato Rutigliano
Müsica: Totò Savio
Léngua: Itagliàṅ
Dürä dal film: 76 minüt
Nasiōṅ: Itàglia


«
Ciào, còmpra't Arrapaho.»
(Tagline dal film)


Arrapaho (id.) 'l è na cumèdia vulgaróta dal 1984 ad Ciro Ippolito cun prutagunìsta al grup muśicàl demensiàł di Squallor. L'è stada giràda in quìndas dè druànd sènt-trentasìnc migliòṅ ad franc.

P'r al crìtic Morando Morandini cla pelìcula chè l'è „al film più brut dla stòria dal cìnema itagliàṅ“. L'òpra l'à tòlt al nóm da 'n disc lōr dal 1983, Arrapaho.

Sunt

La Scella Pezzata (Tinì Cansino), fiōla dal cap indiàṅ Palla Pesante (Daniele Pace) dla tribù di Cefalòṅ, l'è inamuràda 'd Arrapaho (Urs Althaus), fiōl dal cap indiàṅ Mazza Nera dla tribù di Arrapaho, ma la gh'à da spuśàr sénsa vlēr-al dabòṅ Cavallo Pazzo (Armando Marra).

Lè 'd intóran a gh'è na tèrsa tribù 'd indiàṅ, i Froceyenne. Méntar Latte Macchiato (Maurizio Governa) al s mét cun Cornetto Solitario di Cefalòṅ, Luna Caprese al buta gl'òć adòs a Arrapaho. Palla Pesante al fà fadìga a tgnir adrē a tut parchè al gh'à da dmandàr a i sò Dio ad far vgnir a piōvar e pò al gh'à da dascórar c'n al cavàl Alboreto ch'l è drē a dvintàr sèmpar più pìcul, giusà parchè.

Jutàda par la Cagna Rognosa e par la Filumena Marturano a vistìr-as da spóśa, la Scella Pezzata l'è prònta p'r al nòsi ma quànd Arrapaho al riva a cavàl lē la scapa via sèg. A Cavallo Pazzo a n gh armàgn àtar da far che mét'r-as cun Luna Caprese.

Culegamènt estéran