Argnân

Da Wikipedia.
Jump to navigation Jump to search
Stèma dal Cmûn ed Viân

Argnân (Regnano in italiân) l'é 'na frasiòun dal cmûn ed Viân int la pruvîncia ed Rèz.

Argnân l'é in 'na zôna ed culèina a cavâl dal vâl di turèint Cròstel e Treşnêr. Al pôst l'é famōş per i barbòj (vulcanetti in italiân) o sêrsi (salse in italiân) duvû a la preşènsa ed gâş sòt tèra ch' al vîn fōra da di côno céch. Al cuntrâri ed chiêter, sté gèner ed vulcân al mânda mia fōra calōr perché sté plòcia 'ch vîn só l'é frèda e cun dal rîghi nigrèti duvûdi a la preşèinsa ed petrôli.

La frasiòun la 's preşèinta cme un insèm ed burghêdi bèin spartîdi e sparpagnêdi lòngh la strêda pruvincêla ch'la pôrta a Sân Zvân 'd Quersōla.

Al burghêdi pió impurtânti che fân Argnân în: Fundiân, Misòun d'ed Sōver, Misòun ed Sòta, Curtvèndla e Muntvédi.

Monumèint[modifica | mudéfica la surzéia]

Int la frasiòun a gh' é ânca 'na cēşa parochiêla bèle cgnusûda int al Medioēv mó arfâta da pōch tèimp (1904).