Aracnofobia

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg Arachnophobia
Aracnofobia
Aracnofobia.png
Jeff Daniels in na figùra dal film
Aracnufubìa
1990
Regia: Frank Marshall
Scritùr: Don Jakoby • Al Williams • Wesley Strick
Atùr: Jeff DanielsJohn GoodmanHenry Jones
Julian SandsHarley Jane KozakStuart Pankin
Brian McNamaraPeter JasonKathy Kinney
Müsica: Trevor Jones
Lengua: IngléśSpagnōl
Dürä dal film: 103 minüt
Nasiòṅ: Stat Unî


«
Òt śampi, dū pinséti e 'n brut caràtar.»
(Tagline dal film)


Aracnofobia (Aracnufubìa) 'l è 'n film ad scarésa dal 1990 ad Frank Marshall, al prim prudót par l'Hollywood Pictures.

'L à fat sù da piò ad sinquànta-tri migliòṅ ad dòlar dòp ès'r-an custâ trént'òṅ a 'l incìrca.

Sunt

'L entumòlug James Atherton (Julian Sands) 'l è 'n studióś di ragn e par cal mutìṿ chè al partìs p'r al Venesuéla par catàr na rasa ch'la gh interésa dimóndi ma rivâ in dla furèsta dl'Amaśògna òṅ di sò óm, al futógrafar Jerry Manley (Mark L. Taylor), al vèṅ murśgâ da 'n ragn e al mōr. Al sò cadàv'r al vèṅ mis in na casa p'r èsar mandâ indrē in di Stat Unî. In na quàlc manéra una ad cal bèsti lè la gh la cava a insfilsàr-as dèntar e la riva sèg in un paiśèṅ dla Califòrgna. Al ragn al s lóga in un fnil e al fà sù famìja dand vita a na rasa mìsćia.

In cal mént'r al dutōr Ross Jennings (Jeff Daniels), mèdag ad famìja cun la scacésa di ragn, al sa stablìs lè insém a sò mujér Molly (Harley Jane Kozak) e a i sò dū putèṅ Tommy (Garette Ratliff Henson) e la Shelley (Marlene Katz). I ragn i tàc'n a stramnàr-as dapartùt e a cupàr la gint dal pòst. La sgnōra Margaret Hollins (Mary Carver), al dutōr Sam Metcalf (Henry Jones) e al becamòrt Irv Kendall (Roy Brocksmith) i èṅ i prim.

Culegamènt estéran