Aquarius (film)

Da Wikipedia.

C'l artìcul chè 'l è scrit in Miranduléś Emiliàn

Aquarius

La Sônia Braga in na figùra dal film
Aquàri
2016
Regìa: Aluizio Abranches
Scritōr: Aluizio Abranches
Raduan Nassar • Flávio R. Tambellini
Atōr: Sônia BragaCarla RibasDaniel Porpino
Irandhir SantosHumberto CarrãoBuda Lira
Maeve JinkingsAllan Souza LimaLula Terra
Müsica: Gustavo Montenegro
Léngua: Purtughéś
Dürä dal film: 146 minüt
Nasiōṅ: BraśìlFrància


«
Vinsidōr ad vint e pasa prèmi internasiunài.»
(Tagline dal film)


Aquarius (Aquàri) 'l è 'n film dramàtic braśigliàṅ dal 2016 ad Kleber Mendonça Filho ch'al 'l à anc scrit. 'L è divìś in tri capìtui ciamâ „I cavìi dla Clara“, „'L amōr dla Clara“ e „Al càncar dla Clara“.

La pelìcula, in du i s sèntan dū pès di Queen: Another One Bites The Dust e Fat Bottomed Girls ma anc soquànt ad Gilberto Gil, l'è stada preśentàda a 'l 69śum Fèstival ad Cannes in du l'è andàda in a risć ad vìnsar la Palma 'd Òr.

Sunt

La Clara (Sônia Braga) l'è na dóna 'd ssanta-sinc an in pensiòṅ ch'la viṿ da par lē in 'n apartamènt in un cundumìni ciamâ “Aquarius” darènt la spiàgia 'd Recife dòp che sò marè 'l è mòrt e ch'i sò tri fiōi i èṅ andâ a star via. Chi lē, ch'la gh'à la pasiòṅ dla mùśica avénd-'g un squantèr'n ad disc in vinîl, la pasa dimóndi tèmp a 'l mâr insém a 'l bagnèṅ Roberval (Irandhir Santos) o andànd fóra cun dal sò amìghi.

Na matìna a sòna a 'l sò us 'l architét Diego (Humberto Carrao), respunsàbil dla Construtora Bonfim, parchè al vrév cumpràr al sò apartamènt p'r un prugèt ch'al gh'à 'd arfàr ad nóṿ tut al palàs, più grand e più mudéran. Al śōvan 'l à bèla cumprâ incòśa e a gh'armàgn giùst qvél dla Clara ma chi lē la n è minga interesàda esénd ch'la gh vōl star in fiṅ ch'la scampa. Sò fiōla Ana Paula (Maeve Jinkings) la vrév invéci ch'la 'l vindìs par ciapàr un muć ad bèsi ma sò màdar l'è na brica e la gh diś ad nò. Trénta-siē an prima l'è scampàda a 'n cànc'r a na téta, ch'i dutōr i gh'aṅ tirâ via, dònca la n gh'à paùra 'd gnint.

C'n al pasàr dal tèmp in dal palàs vōd i tàc'n a rivàr di purcùs par far dgl'òrgi e stusàr tuta nòt in d'l apartamènt ad sōv'r a 'l suo lasànd dal scagasàdi lung al scali ma la Clara la tîṅ bòta listés in fiṅ tant ch'la vîṅ a savēr ch'in d'l ùltim piàṅ qvéi dla Bonfim i gh'aṅ mis soquànt gnai 'd tarōi par scavśar i traṿ a far vgnir śò incòśa.

Culegamènt estéran