Angoscia (film 1944)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Gaslight
Angoscia
Angoscia (film 1944).png
Charles Boyer e l'Ingrid Bergman in na figùra dal film
Angùstia
1944
Regia: George Cukor
Scritùr: Patrick Hamilton • John van Druten
Walter Reisch • John L. Balderston
Atùr: Charles BoyerIngrid BergmanJoseph Cotten
Dame May WhittyAngela LansburyBarbara Everest
Müsica: Bronislau Kaper
Lengua: Ingléś
Dürä dal film: 114 minüt
Nasiòṅ: Stat Unî


«
Al drama strâṅ 'd un parśunēr inamurâ.»
(Tagline dal film.)


Angoscia (Angùstia) 'l è 'n thriller dal 1944 'd George Cukor girâ in biànc e négar afracimènt dna pelìcula britànica dal 1940 ch'la gh'iva 'l stès nóm (Gaslight) giràda par Thorold Dickinson. 'L è stâ preśentâ fóra cuncōrs a la prima edisiòṅ dal Fèstival ad Cannes.

In mèś a gl'atōr prutagunìsta, Charles Boyer, l'Ingrid Bergman e Joseph Cotten, a gh'è anc na śōvna Angela Lansbury ch'in alóra la gh'iva daśdòt an e che par cl'òpra chè l'è stada numinàda a i Prèmi Òscar cuma atōra minga prutagunìsta, sénsa vìns'r-al, mént'r invéci la Bergman la gh l'à cavàda.

Custâ dū migliòṅ ad dòlar a 'l incìrca, al 'n à pò fat sù quàt'r e siē.

Sunt

Dòp al masamènt dl’Alice Alquist, na famóśa cantànta dla lìrica, sò anvōda Paula (Ingrid Bergman) la và a star in Itàglia par studiàr cant c'n al stés insgnànt ad sò sîna e par pruàr a daśmindgàr cla daśgràsia là in dua lē, sinténd di rumōr, 'l iva fat scapàr via 'l sasèṅ sénsa ch'al fus bòṅ ad śgranfgnàr quèl.

Un dè la ragàsa la cgnós al sunadōr ad piàṅ Gregory Anton (Charles Boyer) e al la spóśa andànd a star sèg a Lóndra pròpria in dla cà dl’Alice. A sucéd pò ch'la Paula la cata na létra mandàda da 'n tisi ciamâ Sergio Bauer a sò sîna dū dè prima d'l umisìdi. Quànd Gregory 'l al vèṅ a savēr al s incàsa dimóndi ma pò al gh admànda pardòṅ. Piàn piàṅ i quèi i tàc'n a tōr na bruta pîga par la dóna parchè i gh sucédan di fat strâṅ: la pèrd na spila, i gh sparìsan di quàdar, la sènt di stus vgnir da 'l tasèl mòrt, al lucèrni i gh'aṅ di cai ad luś e i gh càtan 'n arlój rubâ in dla sò burséta. La Paula la taca a 'ndàr fóra 'd tèsta.

In cà la śōvna dóna di fat, la Nancy Oliver (Angela Lansbury), la gh dà adòs, quànd la dascór sèg la gh'à sèmpar na ghigna schivàda. Sōl al pulisiòt ad Scotland Yard Brian Cameron (Joseph Cotten) 'l è da la sò banda. C'n al sò ajùt la dóna la capìs che Bauer e sò marè i èṅ la stésa parsòna.

Culegamènt estéran