Amsterdamned

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Amsterdamned
Amsterdamned.png
La van de Ven e Stapel in na figùra dal film
id.
1988
Regia: Dick Maas
Scritùr: Dick Maas
Atùr: Huub StapelHidde MaasWim Zomer
Monique van de VenSerge-Henri Valcke
Tanneke HartzuikerPieter LutzLou Landré
Müsica: Dick Maas
Lengua: UlandéśIngléśSpagnōlCinéś
Dürä dal film: 104 minüt
Nasiòṅ: Ulànda


«
Pargâ ch'al n tórna mai piò sù.»
(Tagline dal film)


Amsterdamned (id.) 'l è 'n thriller 'd asiòṅ ulandéś dal 1988 scrit, dirèt e muśicâ par Dick Maas.

Al tìtul al liga insém al paròli Àmsterdam, la capitàla dl'Ulànda in dua 'l è ambintâ, e “Damned” ch'a vrév dir “Maladìda” in Ingléś.

Sunt

A Àmsterdam un masadōr seriàł, c'n adòs na tuta da sub, al gira p'r i canài dla sità. Dòp avér purtâ via 'n curtlàs da maslàr da 'n risturànt cinéś, al cópa na putàna (Barbara Martijn) e pò al taca 'l cadàv'r a 'n pònt. Al dè dòp a pasa da 'd lè na barca ad turìsta e al còrp al s stablìs atàc a i vēdar cun tuta la gint ch'la siga par la scarésa. Al caś al finìs in maṅ a 'l detective Eric Visser (Huub Stapel) ch'al viṿ insém a sò fiōla ad tréd'ś an, l’Anneke (Tatum Dagelet), dòp ch'al s éra divìś da sò mujér.

Cla nòt lè dū ambintalìsta (Koos van der Knaap e Pieter Loof) ch'i éran drē a tōr sù di campiòṅ 'd àqua davśèṅ a 'n impiànt chìmic i vènan cupâ da 'l sasèṅ. In cal méntar Eric, insém a 'l sò vèć amìg da i tèmp dl'acadèmia 'd pulisìa John (Wim Zomer), al próa a 'ndàr-'g a fónd. A vèṅ catâ un baròmetar lè darènt e acsè Eric al taca a indagàr in dal mónd di sub. In òṅ ad chi club spurtìṿ lè Visser al cgnós la Laura (Monique van de Ven) e Martin Ruysdael (Hidde Maas), psichiàtar dla ragàsa.

Culegamènt estéran