Amityville Horror (film 2005)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Amityville Horror
Amityville Horror
Amityville Horror 2005.png
L'Isabel Conner e Reynolds in na figùra dal film
Amityville Scarésa
2005
Regia: Andrew Douglas
Scritùr: Jay Anson • Scott Kosar • Sandor Stern
Atùr: Ryan ReynoldsChloë Grace Moretz
Melissa GeorgeJesse JamesJimmy Bennett
Rachel NicholsPhilip Baker HallJosé Taitano
Müsica: Steve Jablonsky
Lengua: Ingléś
Dürä dal film: 90 minüt
Nasiòṅ: Stat Unî


«
Al tōś spunt da di fat sucès dabòṅ.»
(Tagline dal film)


Amityville Horror (Amityville Scarésa) 'l è 'n film ad scarésa dal 2005 'd Andrew Douglas, arfacimènt dna pelìcula c'n al stés nóm dal 1979.

Al film 'l à muciâ sù sènt-òt migliòṅ ad dòlar a frònt 'd un cóst ad daśnóṿ.

Sunt

La Kathy (Melissa George), dòp avér abû tri fiōi, Billy (Jesse James), Michael (Jimmy Bennett) e la Chelsea (Chloë Grace Moretz), e ès'r armàśa védva, la sa spóśa cun George Lutz (Ryan Reynolds). La decìd pò 'd andàr a star sèg a Amityville cumprànd a bòṅ marcâ la vila in du soquànt an prima Ronald DeFeo Jr. (Brendan Donaldson) 'l iva sterminâ la sò famìja parchè al sintìva dal vóś ch'i gh dgìvan „ciàp'i e mas'i“.

Par tgnir adrē a i sò baghét la Kathy la ciàma la baby sitter ch'l'iva bèla laurâ c'n i DeFeo, la Lisa (Rachel Nichols). Chi lē però l'éra stada mandàda via parchè la n andàva briśa 'd acòrd cun la più pìcula di sò fiōi, la Jodie (Isabel Conner), na putìna cupàda da sò pàdar c'n un cōlp ad pistòla in dla frònt méntar la s lugàva in dal tanabuś dla sò cambra in du la tgniva 'l sò bàmbuli.

C'n al pasàr dal tèmp la famìja Lutz la in pasa 'd tut i culōr parchè in dla i sucédan di fat strâṅ dimóndi e la Chelsea la diś 'd èsar dvintàda amìga cun la Jodie. La Kathy la dmanda ajùt a pàdar Callaway (Philip Baker Hall) par banadìr la cà ma quànd al prēt al riva al scapa via subìt parchè un siàm ad muscòṅ al gh dà adòs. A s vîṅ a savēr che la cà l'éra stada tiràda sù su 'n sit in dua in dal XVII sécul 'n óm ciamâ Jeremiah al turturàva gl'indiàṅ.

Culegamènt estéran