American History X

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Video-x-generic.svg American History X
American History X
American History X.png
Edward Norton in na figùra dal film
id.
1998
Regia: Tony Kaye
Scritùr: David McKenna
Atùr: Edward NortonEdward FurlongGuy Torry
Jennifer LienBeverly D'AngeloEthan Suplee
Elliott GouldChristopher MastersonAlex Sol
Müsica: Anne Dudley
Lengua: Ingléś
Dürä dal film: 119 minüt
Nasiòṅ: Stat Unî


«
Unî in d'l òdi, divìś par la véra.»
(Tagline dal film)


American History X (id.) 'l è 'n film dramàtic americàṅ dal 1998 ad Tony Kaye scrit par David McKenna.

Par cla pelìcula chè, ch'l'à fat sù dagnóra vint-quàtar migliòṅ ad dòlar a frònt 'd un cóst ad vint, al prutagunìsta Edward Norton 'l è stâ candidâ a i Prèmi Òscar.

Sunt

Derek Vinyard (Edward Norton) al vîṅ mandâ lìbar dòp ès'r-as fat tri an ad parśòṅ p'r avēr cupâ tri ragàs ad culōr ch'i éran drē a fargàr-ag la màchina. Chi lò 'l è 'n Skin88, mémbar 'd un grup nèo-naśìsta americàṅ finansiâ p'r un sèrt Cameron Alexander (Stacy Keach), pruprietàri dna cà editōra ch'la cùcia in élt i lìbar e i grup muśicài ch'i eśàltan la supremasìa dla rasa biànca.

Derek al vìṿ cun sò màdar Doris (Beverly D'Angelo), dū surèli e 'n fradèl più pìcul ch'al 'l à sèmpar vdû cuma 'n mudèl da tgnir-'g adrē, Danny (Edward Furlong), méntar sò pàdar, vìgil dal fōg rasìsta sfegatâ, 'l è mòrt soquànt an prima. In unōr ad sò fradèl ch'l è finalmènt lìbar, Danny al cunségna a 'l sò prufesōr Murray (Elliott Gould), ch'al sà èsar 'n ebrèj, un scrit ch'al dascór dimóndi bèṅ dal Mein Kampf 'd Adolf Hitler sénsa però savēr ch'in cal méntar sò fradèl 'l è cambiâ dal tut stand in parśòṅ, anc par via d'l ajùt ch'al gh'à dâ 'n insgnànt négar, Bob Sweeney (Avery Brooks).

Culegamènt estéran