Al trìl dal dièvel
|
C'l artìcol chè 'l è scrit in
Carpśàn |
La Sunèda per viulèin in sol minōr o Al trìl dal dièvel ("Il trillo del diavolo" in itagliàṅ) 'l è 'n pês dimòndi cgnusû dal Giuseppe Tartini.
L'è na sunèda per viulèin e bâs cuntìnev da lò scrìta facilmèint intór'n a 'l 1730,[1] anc s'a n's gh'à minga dal testimognànsi cèri a 'l riguêrd. Difât, bèin che 'l Tartini stès al fùs dimòndi cuntèint dal riśultêt, la só prìma edisiòun la gniva fata dôp edla mort dl avtōr, in dl'antologìa dal 1798 ed Parì "L'art du violon".
A s còunta che 'l Tartìni, per butèr śò cal bràṅ chè, al fùs estê ispirê da 'n insògni ch'l ìva fât, indû 'l dièvel al gh'avrèv sunê na mùśica anca più bèla incòr, da stèr ai pē dal só lêt, e dòunca lò, apèina alvê, 'l avrèv duvû śgagèr-es a scrìver-la subìt, prìma ch'la gh'scapìs da 'l arcôrd.
Strutùra
[mudéfica la surzéia]Al pês al dura un quêrt 'd óra a 'l incìrca. Al s spartìs in tri muvimèint: prìma 'n larghetto affettuoso, pò 'n allegro e dòunca 'n andante-allegro-adagio.
Noti e referèinsi
[mudéfica la surzéia]Èter progêt
[mudéfica la surzéia]
Wikimedia Commons contiene file multimediali su Al trìl dal dièvel
Colegamèint estèren
[mudéfica la surzéia]- Al pês in sìm'a 'l youtube.
- Al viulinìsta Uto Ughi e orchèstra ch'i sòun'n al pês in sìm'a 'l youtube.
- La sunèda col viulinìsta Itzhak Perlman e pianofòrt in sìm'a 'l youtube.
- Al pês sunê da 'l Accardo cumpagnê da 'l pianofòrt in sìm'a 'l youtube.
- La sunèda col viulinìsta Yehudi Menuhin e pianofòrt in sìm'a 'l youtube.