Abuso di potere (film 1992)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Unlawful Entry
Abuso di potere
Abuso di potere (film 1992).png
Kurt Russell e Ray Liotta in na figùra dal film
Abûś ad putēr
1992
Regia: Jonathan Kaplan
Scritùr: George Putnam
John Katchmer • Lewis Colick
Atùr: Kurt RussellRay LiottaMadeleine Stowe
Roger E. MosleyKen LernerDeborah Offner
Müsica: James Horner
Lengua: IngléśSpagnōl
Dürä dal film: 117 minüt
Nasiòṅ: Stat UnîGiapòṅ


«
Quànd al deśidèri al dvènta usesiòṅ, p'r al pulisiòt Davis a n gh'è piò règhli.»
(Tagline dal film)


Abuso di potere (Abûś ad putēr) 'l è 'n thriller americàṅ e giapunéś dal 1992 ad Jonathan Kaplan.

'L è custâ vint-a-tri migliòṅ ad dòlar che pò i aṅ frutâ dimóndi esénd ch'in di Stat Unî al 'n à muciâ sù da piò ad sinquànta-sèt, rivànd anc a ès'r al secónd film più vist in di cìnema americàṅ la stmana ch'l è vgnû fóra.

Sunt

Al prufesiunìsta Michael Carr (Kurt Russell) e sò mujér insgnànta, la Karen (Madeleine Stowe), i vìv'n in na bèla vila in Califòrgna. Tut a và bèṅ par lōr in fiṅ tant che na nòt un làd'r al s insfìls' in cà e al riva anc a minasàr la dóna c'n un curtèl prima 'd butàr-l' in pisìna e 'd scapàr via. Michael al ciàma subìt la pulisìa e i rìvan lè dū agìnt par gl'indàśin, Roy Cole (Roger E. Mosley) e Pete Davis (Ray Liotta). Chi lò specialmènt al dvènta amìg dla famìja e al i juta anc a métar sù 'l alàrm a i us.

Al pulisiòt, a na prima vduda acsè gustóś, al dvènta prèst 'n ingómbar p'r i Carr esénd anc piutòst instàbil mentalmènt. Na nòt al cumparìs anc in dla sò cambra da lèt mént'r i gùsan sōl par védar ch'a fus tut a pòst. In séguit Pete al s fà più catìṿ cun la còpia rivànd anc a dar-'g adòs e pruànd a fargàr la mujér a Michael.

Culegamènt estéran