A tutta velocità

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg À toute vitesse
A tutta velocità
A tutta velocità.png
Rideau e l'Élodie Bouchez in na figùra dal film
A tuta bala
1996
Regia: Gaël Morel
Scritùr: Gaël Morel • Catherine Corsini
Atùr: Élodie BouchezStéphane Rideau
Pascal CervoMeziane BardadiPaul Morel
Salim KechioucheMichel PetitJoaquim Sa
Müsica: Black BoxCulture Beat a àt'r incóra
Lengua: Francéś
Dürä dal film: 85 minüt
Nasiòṅ: Frància


«
'L sà't cum è-la èsar śōvan?»
(Tagline dal film)


A tutta velocità (A tuta bala) 'l è 'n film dramàtic francéś dal 1996 ad Gaël Morel, chè a 'l sò prim lungumetràǵ, ch'al 'l à scrit insém a la Catherine Corsini.

La pelìcula, giràda a Villefranche-sur-Saône in dal dipartimènt dal Ròdan, l'è stada preśentàda a 'l 49śum Fèstival ad Cannes in dla sesiòn „Quinzaine des Réalisateurs“.

Sunt

Quentin (Pascal Cervo) 'l è 'n śōvan scritōr ad daśnóṿ an ch'al viṿ in dla campàggna dal sud-èst dla Frància. 'L à péna scrit al sò prim lìbar ch'l è dimóndi piaśû a 'l sò editōr ch'al vrév ch'al spatinìs a Parì. In cl'òpra lè al ragàs al dascurìva 'd integrasiòṅ ma a s véd ch'a dir dabòṅ a gh in ciàva pôc d'l argumènt, al s sarvìs dla gint sōl p'r avēr quèl da cuntàr.

Decìś a far caréra, al mét da na banda la sò muróśa pîna 'd bèsi, la Julie (Élodie Bouchez), e i sò amìg. Jimmy (Stéphane Rideau) 'l è òṅ ad lōr, al daśvîṅ da Tulóśa e 'l 'n mutariòṅ patintâ. A gh piàś giràr in mòta ma 'l patìs dimóndi 'l fat ch'i sò genitōr i n gh'aṅ mai fat védar 'd vlēr-ag bèṅ dabòṅ.

La Julie la próa a davśinàr-'s a Jimmy ma chi lò al n s vōl minga impgnàr sèg par rispetàr al sò amìg. Anc a 'l imigrâ algirèṅ Samir (Meziane Bardadi) a gh và mâł in amōr parchè prima i gh màs'n al sò ragàs e pò Quentin al 'l ingàna faghénd-'l inamuràr e vèrar-'s sèg sōl par psēr butàr śò 'n àtar sucès leteràri cun la sò stòria.

Culegamènt estéran