87° distretto - L'impronta dell'assassino
|
C'l artìcul chè 'l è scrit in
Miranduléś |
 Ed McBain's 87th Precinct:Lightning | ||
| 87° distretto - L'impronta dell'assassino | ||
 Randy Quaid in na figùra dal film | ||
| 87śum distrét - La trasa dal sasèṅ 1995 | ||
|---|---|---|
| Regìa: Bruce Paltrow | ||
| Scritōr: Evan Hunter • Mike Krohn • Dan Levine | ||
| Atōr: Randy Quaid • Alex McArthur • Deanne Bray Ving Rhames • Ron Perkins • Tracy Middendorf Alan Blumenfeld • Steven Flynn • Steve Park | ||
| Müsica: Peter Bernstein | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
87° distretto - L'impronta dell'assassino (87śum distrét - La trasa dal sasèṅ), cgnusû in Itàglia anc cuma 87° distretto: Premonizioni, 'l è 'n film pulisiésc americàṅ par la televiśiòṅ dal 1995 ad Bruce Paltrow, girâ a Los Angeles.
Sunt
Al detective Steve Carella (Randy Quaid), insém a 'l sò culéga d'l 87śum distrét Bert Kling (Alex McArthur), al gh'à da indagàr su 'l masamènt dna śōvna studènta, la Marla Schaffer (Kirsten Holmquist), catàda mòrta strusàda méntar la curìva in un parc ad nòt da na dóna sōrda-muta, la Teddy Franklin (Deanne Bray). Su 'l sò cadàv'r al sasèṅ al gh'à mis na bandéra americàna e 'n diśégn dna silta. Steve, ch'al s è mulâ da 'n an cun la Linda, al s inamóra dla Teddy méntar Bert al gh'à paùra, a ragiòṅ, che sò mujēr Augusta (Alison Moir) la gh méta i còran. Da 'l cant suo al detective ebrèj Meyer Meyer (Ron Perkins), ch'al lavóra in còpia cun Artie Brown (Ving Rhames), al s è mis un paruchèṅ in cô par piaśēr da piò a la sò Sarah (Johann Carlo).
Quànd in séguit a vîṅ catâ 'l còrp anc dla Nancy Anunciato (Chanda Fuller) 'l è ciàr ch'in gir a gh'è 'n serial killer parchè anc chi lē l'éra na studènta ch'a gh piaśìva cùrar, inóltar su la sò pansa al sasèṅ al gh'à piturâ na silta. A cà 'd sò màdar (Mary-Joan Negro) Steve al véd che la śōvna, al dè dal masamènt, la gh'iva apuntamènt c'n un giurnalìsta dla rivìsta spurtìva Sports USA, un sèrt Corry McIntyre, ma intervistànd al sò culéga Todd Wilkins (Steve Park) al detective al s rénd cònt ch'al manìag al n è minga lò, l'éra sōl na trapla.
Par dar-'g ajùt a s fà avànti anc al detective Ollie Weeks (Alan Blumenfeld). In cal mént'r al manìag, faghénd-as pasàr par McIntyre, 'l invìda a séna par n'intervìsta n'atra prumésa dla cursa, la Darcy (Tracy Middendorf). Dascurénd c'n un taxìsta ch'al scarusàva 'l vitmi in dal risturànt ad Paolo Capriato (Christopher Darga), Carella al créd 'd èsar davśèṅ a ciapàr al sasèṅ ma 'l riva tròp tard e anc la Darcy la pèrd la vita. In tut al manéri, par via dna drita dal custōd (Juney Smith) dal 'd un parchéǵ darènt a 'l risturànt, Carella e Ollie i rìv'n a 'l apartamènt 'd Henry Lytell (Steven Flynn), 'n èx atléta che da śōv'n al gh'iva 'l scutmàj ad „silta“. Adès al killer al gh'à apuntamènt cun n'atra curidōra, la Luella Scott (Marquita Terry).