36 Quai des Orfèvres

Da Wikipedia.

C'l artìcul chè 'l è scrit in Miranduléś Emiliàn

36 Quai des Orfèvres

Alain Figlarz e la Marchal in na figùra dal film
id.
2004
Regìa: Olivier Marchal
Scritōr: Olivier Marchal • Franck Mancuso
Julien Rappeneau • Dominique Loiseau
Atōr: Daniel AuteuilGérard Depardieu
Daniel DuvalFrancis RenaudValeria Golino
André DussollierRoschdy ZemGuy Lecluyse
Catherine MarchalAlain FiglarzAurore Auteuil
Müsica: Erwann Kermorvant • Axelle Renoir
Léngua: Francéś
Dürä dal film: 110 minüt
Nasiōṅ: Frància


«
Lì lōr i tìn'n andrē a na léǵ sōla. La lōr.»
(Tagline dal film)


36 Quai des Orfèvres (id.) 'l è 'n film dramàtic dal 2004 'd Olivier Marchal, candidâ a òt Prèmi César.

Al tìtul dla pelìcula, giràda e ambintàda a Parì, al fà riferimènt a 'l indirìs dla pulisìa dla capitàla, ch'la s cata lung al fiùm dla Sénna, e a di fat sucès dabòṅ in Frància in di an Utànta.

Sunt

Léo Vrinks (Daniel Auteuil) e Denis Klein (Gérard Depardieu) i èṅ dū agìnt pariśèṅ ch'i lavóran p'r al cap dla pulisìa dla sità, Robert Mancini (André Dussollier). Insém i gh'aṅ da bcar na banda 'd rapinadōr sénsa scrùpui specialiśàda in furt e masamènt a i dan di furgòṅ pòrta-valōr, cmandàda par Francis Horn (Alain Figlarz), ma da spès i s pìst'n i pē.

Tut dū i gh'aṅ na cadéna 'd infurmàdōr in dla malavìda. Òṅ 'd qvist chè, Hugo Silien (Roschdy Zem), al dà na drita giùsta a Léo in cambi dal sò silénsi durànt un regulamènt ad cònt in du 'l iva masâ davànti a i sò òć di delinquènt ch'i 'l ìvan fat arestàr soquànt an prima. Mancini al dà 'l incàr'g ad farmàr Horn a Léo ma durànt al tintatìṿ ad blucàr-i Klein, cun na mòsa da cajòṅ, al dà la manéra a 'l grup ad scapàr via dòp avēr masâ 'n agìnt, Eddy (Daniel Duval).

Custrét a patìr n'indàśin intèrna ch'la prév anc purtàr a 'l sò licensiamènt, Klein al dasfrùta al paròli dna putàna ch'la s catàva in sla màchina di mòrt masâ par Silien, e dònca 'l iva vdû anc Léo lè, p'r incastràr al sò rivàł ch'al gh'iva da testimuniàr cónt'r ad lò in dal prucedimènt p'r al masamènt 'd Eddy. Léo al finìs in parśòṅ, cuntanâ a òt an p'r avēr jutâ 'n sasèṅ, méntar Klein al dvènta cap dla pulisìa tulénd al pòst ad Mancini pasâ a far al diretōr generàł. I sò culéga i n la tōśan minga bèṅ, specialmènt Titi Brasseur (Francis Renaud) ch'al s licénsia p'r a n lauràr minga sóta Denis méntar l’Ève Verhagen (Catherine Marchal) la vîṅ trasferìda 'd ufìsi.

In cal méntar la mujēr ad Léo, la Camille (Valeria Golino), la vîṅ cuntatàda par Silien.

Culegamènt estéran