.45 (film)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg .45
.45 (film).png
La Milla Jovovich in na figùra dal film
id.
2006
Regìa: Gary Lennon
Scritōr: Gary Lennon
Atōr: Milla JovovichAngus Macfadyen
Stephen DorffAisha TylerSarah Strange
Vincent LarescaTony MunchKay Hawtrey
Müsica: John Robert Wood
Léngua: IngléśSpagnōl
Dürä dal film: 101 minüt
Nasiōṅ: Stat Unî


«
Ninsòṅ 'l è bòṅ ad vindicàr-as cuma na dóna.»
(Tagline dal film)


.45 (id.) 'l è 'n film dramàtic americàṅ dal 2006 scrit e dirèt par Gary Lennon.

'L è stâ girâ c'n un budget ad sinc migliòṅ ad dòlar.

Sunt

Albert dit Big Al (Angus Macfadyen) 'l è 'n brut grintèṅ delinquènt ch'al viṿ in dal quartēr dal Queens ad New York vindénd ilegalmènt dal pistòli. La sò muróśa la s ciàma Kat (Milla Jovovich) e l'è cuntènta 'd èsar-'s misa sèg anc parchè chi lò al gh sà far a lèt, purtròp al la trata sèmpar mâł, piciànd-la e dand-ag dla rója ad cuntìnuṿ.

Al 'l è dimóndi gelóś ad lē parchè tut i la vrévan gusàr: al sò culaburadōr Reilly (Stephen Dorff), al spaciadōr purturicàṅ sò rivàł Jose (Vincent Laresca) mo anc l'amìga śbucàda 'd lē, la lèśbica Vic (Sarah Strange). Quànd al sò sòci Clancy (Tony Munch) al gh diś ch'l à vdû la Kat insém a Jose, Al al dvènta narvóś mat e 'l taca a dar-'g-i a la sò dóna par far-ag vudàr al sac e p'r insgnàr-'g a star a 'l mónd.

Quànd Al al finìs dèntar par soquànt dè, la Kat, pîna 'd nis, la taca a dascórar cun la Liz (Aisha Tyler), mémbra dn'asuciasiòṅ ch'la prutéś cal dóni da 'l bòti di sò óm viulènt. La Liz, ch'l'à butâ anc lē 'l òć su la śōvna, la gh sugerìs ad mulàr-al e 'd tacàr ad druàr al putēr ch'i gh'aṅ cal dóni: làbar, téti e cûl. La Kat la la tōś in paròla e la strólga 'n piàṅ par far fóra Clancy dand la cólpa a Al.

Culegamènt estéran