Śgómbar

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn
Un Śgómbar


Al Śgómbar (Scomber scombrus, maccarello, scombro, sgombro o lacerto in italiàn) 'l è 'n pés dla famìja di Scombridae, cgnusû anc cum òṅ di pés celèst. Par la IUCN (Ugnòṅ Internasiunàla par la Cunservasiòṅ dla Natùra) 'l è a risć mìnim 'd estinsiòṅ.

Descrisiòṅ

Al sò còrp 'l è dimóndi ślungâ, cun na bóca a punta e di òć grand. Al gh'à dū pini dursàli e soquànti atri più pìculi par rivàr in fónd ch'al dróa par nudàr méj.

Al sò culōr 'l è un misciùs ad griś e blù par pò pasàr dal dū bandi a 'n culōr biànc e argènt. Lung al còrp al gh'à dal striadùri négri. Al n gh'à briśa dal scaj. Dal vòlti al śgómbar al gh la cava a rivàr a 50 cm e al pōl sprar ad scampàr in fiṅ a 17 an.

Al viṿ in lung al còsti dal Mar Mediterraneo e dal Mar Négar ma anc in d'l Ucéan Atlàntic. Al magna plancton, pés pìcui, medùśi, bèg, gàmbar, óṿ e mulùsc.

La sò carna l'è pîna ad gras omega-3 e la fà bèṅ a 'l sangṿ parchè al gh tira via al culesterōl.