Èrgna

Da Wikipedia.
C'l artìcul chè 'l è scrit in Carpśàn Emiliàn
Un budêl ch'al vin fóra dala pèrt edl umbrìghel, invéci 'd stèr in dal só pòst dàint'r ala pansa.

L'èrgna (ernia in itagliàṅ) l'è 'n pcòun 'd budêl ch'al n'stà più indû 'l gh'avrèv da stèr, mo 'l blìśga fóra da na banda lè śvèina, per na quèlc debolèsa di tesû o p'r un quèlc cuciamèint minga bèin fiśiològic, p'r un quèlc sfòrs eśagerê e via discurènd.

A gh'è dagli èrgni cìchi che 'mumèinti a n's egh'dà gnanc a mèint, e a gh'n è 'd quili più gròsi ch'i dàn di probléma anc pēś, dal dulōr e i finìsen per compromèter anc dal funsionalitê 'd un quèlc èt'r òrghen lè atâc in dal fìśic.

Soquànti sorti 'd èrgni

A secònda indû i selten fóra, egli èrgni i tóśen chi nòm chè:

  • èrgni dal servêl
  • èrgni a 'l dìsc
  • èrgni in dal diafràma
  • èrgni ala pansa

Vōś lighèdi

Manéri 'd dir

  • (CARPŚ) (irònic) Stà atèinti ch'a n't vègna śò l'ergna[1] (a fèr acsè tanta fadìga)!, (IT) (ironico) Stai attento a che non ti vada giù l'ernia (ad affaticarti così tanto)!

Èter progêt

Colegamèint estèren

Referèinsi

  1. (CARPŚ) e (IT) Dizionario del dialetto carpigiano, dal Grasiàn Malagòli e dl'Anna Marìa Ori, Mòdna 2011.