Àngol piât (giumetrìa)

C'l artìcol chè 'l è scrit in Carpśàn

In dla giumetrìa Evclidéa, 'l àngol piât 'l è c'l àngol ch'al gh'à n'ampièsa ed 180°, a dìr che 'l dō metê rèti ch'i 'l tinen strìc, egl'ìn pugèdi in dal stès espàsi dal piàn l'ùna drìta pèr'a cl'ètra, cun al lōr inìsi in cumùn mo tùt chi èter lōr punt in dal diresiòun opòsti, tulènd dèinter propi la metê dal spàsi in dū i stan pugèdi.

El só proprietê

'L àngol piât al mśùra 180° e in radiànt, π rad.
Al só àngol suplementêr 'l è 'l àngol vōd, ed 0°.
Al só àngol esplementêr 'l è 'n èt'r àngol piât, ed 180°.
In dla trigonometrìa, 'l àngol piât α al gh'à sèin sèinα=0 e cośèin cośα=-1.

Particolaritê

In dla giumetrìa Evclidéa la sòma di àngol intèren dal triàngol l'è pròpia pèr'a 'l àngol piât^[1].
Al dòpi edl àngol piât 'l è 'l àngol gîr.
La metê edl àngol piât 'l è 'l àngol drìt.