Stèd d'la Cîsa
| Langua ufizièla | Latén |
| Capitèla | Råmma |
| Fåurma ed Guêren | Monarchî |
| Chèp ed stèd | Pèpa |
| L'è tachè dal | 756 |
| L'è finé dal | 1870 (tôlt dal Ràggn d'Itâglia) |
| Prémm pèpa | Pèpa Stêven II (752) |
| Ûtum pèpa | Pèpa Pio IX (1846-1870) |
Al Stèd d'la Cîsa (in itagliàn Stato della Chiesa) l'è stè un stèd itagliàn prémma d'l Unitè.
[modifica] Stòria
Al Stèd d'la Cîsa l'era nèd dal 756, quand al rà franzais Pepén al dé una ciupatta d'l Itâglia (Al cminzéppi såul al Lâzi) al Pèpa. Col tänp i teritòri i se slarghénn tant ch'a la fén la Cîsa l'era rivè a tgnîr såtta una bòta d'l Itâglia centrèl.
Dal 1506 i suldè dal pèpa Giólli II i gnénn atåuren Bulåggna; da alåura fén al 1860, Bulåggna l'è stè quèsi sänper såtta al Stèd d'la Cîsa.
Dal 1598 i tulénn såtta anch Frèra che prémma l'era stè una zitè inpurtanta dal Duchèd Estense.
Dal 1631, al pèpa Urbàn VIII al zonté anch al Duchèd d'Urbén ch'al controlèva bèli dal 1625.
Al 14 ed setànber dal 1791 i dgénn dèr só a la zitè d'Avignon in Fränza parché al Napoleån la vlé indrî. Dal 1798 i franzîs i ocupénn la zitè ed Råmma e al pèpa, Pio VI, al fó fât parsunîr e purtè in Fränza, indóvv ch'al muré l'àn dåpp.
Dal 1809 anch'la zitè ed Råmma la fó zuntè a l'Impêr franzais.
Dal 1815 int'al Cunsélli ed Vienna al Stèd d'la Cîsa al fó arméss insamm.
Al 20 ed setànber dal 1870, Råmma la fó tôlta dai suldè dal rà Vittorio Emanuele II e al Stèd d'la Cîsa al dsmitté ed èsri.
[modifica] Guèrda anch'
[modifica] I lîber ch'in dscårren (in itagliàn)
- Ludovico Carolus Farini, Storia dello Stato Romano dall'anno 1815 al 1850
