Rùsc

Da Wikipedia.
C'l artìcul chè 'l è scrit in Carpśàn Emiliàn
'N depòśit dal dè 'd incō ed carcàsi ed màchini lavadōri
Di ragasól ch'i sernìsen in mèś al rusc a Boston in na foto 'd inìsi Novsèint
Soquànt śmistamèint ed rùsc in dal sèint'r ed Lomé in dal Togo

Al rùsc 'l è tut cal materiêl che, in post diferèint, al ne s dróva piò, e alòra a bśògna desfèr's-en e śbàt'r-el vìa; a s ciàma rusc anc'al só cuntenidōr (in del cà la s ciàma ruscarōla).

Mèinter che na vòlta a n'se śbatìva vìa quèśi gnìnt, ch'a gh'era dla miśéria e a s tgnìva da cat de tut, mo invéci in dal śgònd Novsèint a s è śbatû vìa in cósa e in dal manéri piò sparpajèdi e indiferèinti, ch'a gh'era 'l bum econòmic, mucènd acsè in di sircundàri di paéś, dop ch'a s era tolt sù 'l rùsc ed lung el stredi e 'l cà c'n al só càmion, soquànt cùmul ed rùsc a forma 'd culèini (cun soquànt dan p'r al colamèint di só liquàm śò 'd lung a l'aqua ch'a stà sòt tèra).
Mo però in di ùltem tèimp invéci, a s è guardê de piò a calèr i diśàster per 'l ambînt, che 'l tròp rùsc mucê diśurdnê al pōl cavsèr: alóra, cun soquànti arcmandasiòun, in piò Cumùn a s è decîś ed cucêr vers ai inisiatìvi per la racòlta diferensièda dal rùsc, d'in dû al stès rùsc, diferensiê per qualitê in dal mumèint ch'a 'l s fica vìa e dòunca śbatû in diferèint casunèt divìś apòsta, al gh'la chèva 'd gnìr śmaltî piò in fuga e cun meno dàn per 'l ambînt dintórna.


Vóś lighèdi

Èter prugèt

Colegamèint estèren