Pupàs ad néṿ
|
C'l artìcul chè 'l è scrit in
Miranduléś |
Un Pupàs ad néṿ 'l è na figùra fata 'd néṿ par divertimènt ch'l'arcòrda in na quàlc manéra 'n óm. 'L è fat miténd insém tri bòci 'd néṿ una insìma a cl'atra faghénd acsè cô, bust e gambi. A s trata 'd un śōg da spés fat p'r i putèṅ in dla stagiòṅ d'l Invéran in di pòst in du a néva e a fà fréd o sinò al pupàs al s dasfà in présia.
In dla tèsta, in du a s pōl mét'r anc un capèl e na siàrpa par far un lavōr più blèṅ, a s dróa na caròta p'r al naś e di butòṅ, di giaròṅ, dal carbòṅ o di vēdar p'r i òć e la bóca. In dal bust, par far i bras, da spés i s insfìlsan di ram da 'l dū bandi méntar par réndar l'idéa dal giachét i s pōlan śuntàr di butòṅ in dal mèś.
Àtar prugèt
Wikimedia Commons contiene file multimediali su Pupàs ad néṿ
