Pi grêc

Da Wikipedia.
C'l artìcul chè 'l è scrit in Carpśàn Emiliàn
El miśurasiòun c'n al π in sìm'a 'l sērć, atàc a la só sirconferèinsa

Al Pi grēc 'l è 'n nùmer costànt edla matemàtica scrìt druènd la lettra gréca π (al s pōl anca scrìver pi quand a n's gh'à mìa dispunìbil el lettri gréchi), druê tantìsim in dla matemâtica e in dla fìśica.

In dla giometrî dal piāṅ, a s definìs al π cuma 'l rapòrt edla sirconferèinsa c'n al diàmeter 'd un sérci, o anca cuma l'àrea 'd un sērć ed raģ cumpàgn a 1.

Proprietê

  • Al π 'l è 'n nùmer irasiunêl, cuma dir ch'al ne pōl briśa esèr scrìt cùma 'l quosiìnt ed dū nùm'r intér.
  • Al π 'l è 'n nùmer trasendèint, cuma dir ch'al n'è mìa un nùmer algèbric (i n'gh'ìn mìa di polinòmi cun di coèfisìnt rasiunê ch'i gh'apièn per raìś al π). Alóra, 'l è impusìbil 'd catèr al π druènd un nùmer finî 'd intēr, ed frasiòun e dal lōr raìś; 'l è dòunca anca impusìbil quadrèr al sérci cun un nùmer finî 'd operasiòun druènd la rìga e 'l cumpàs.

Al sô valôr

Sènd al π ed natûra trasendèinta, in di càlcol numèric a bśògna druèr-en dàgli aprosimasiòun. Al piò dal volti, l'aprosimasiòun 3,14 l'è abasta, ma dimòndi inśgnér i dróven despès 3,1416 o méj incòr 3,14159 (piò precìś).