Il medico della mutua
|
C'l artìcol chè 'l è scrit in
Carpśàn |
 Il medico della mutua
| ||
 Alberto Sordi in na figùra dal film | ||
| Al dutōr dla mùtua 1968 | ||
|---|---|---|
| Regìa: Luigi Zampa | ||
| Scritōr: Giuseppe D'Agata | ||
| Atōr: Alberto Sordi • Sara Franchetti • Ida Galli Nanda Primavera • Bice Valori • Leopoldo Trieste Franco Scandurra • Claudio Gora • Franco Gelli Pupella Maggio • Tano Cimarosa • Sandro Merli Marisa Traversi • Sandro Dori • Marco Tulli | ||
| Müsica: Piero Piccioni | ||
| Léngua: Itagliàṅ | ||
| Dürä dal film: 99 minüt | ||
| Nasiōṅ: Itàglia | ||
Il medico della mutua 'l è 'n film dal gèner "cumédia a l'itagliàna" dal 1968 ed Luigi Zampa tirê fóra da 'l romànś ed Giuseppe D'Agata e cun protagunìsta Alberto Sordi.
La stòria la còunta el fadìghi 'd un dutōr edla mùtua per fèr sù dimòndi sòld tgnènd drē a 'l réghli dla sanitê ed chi an là.
Al film al fèva dimòndi incâs, rivènd a tōr sù più 'd 3.000.000.000 ed franc.
Sunt
Al duturèin fresc ed stùdi Guido Tersilli (Alberto Sordi) al vōl lavurèr c'ma dutōr edla mùtua, perchè s'al gh'la cavarà 'd avér-egh dimòndi pasiìnt, alóra cal sistéma lè al gh'asicurarà di bē guadàgn. Só mèder l’Anna Maria (Ida Galli) e la só muróśa Teresa (Sara Franchetti) i 'l vól'n aiutèr a catèr sù di pasiìnt e soquànt èter i se pràn tōr sù cun dal volontariê in uspidêl e cun l'amicìsia dal sóri lè dàinter. Al cólp da mìster, però, al gh deśvìn da 'l ès'r intrê in dla mandga dal vêć dutōr Bui (Franco Scandurra) e sovertùt ed só mujér Amelia (Bice Valori), ch'la s al porta infîn anc a lêt. Lò però al la tîn bòuna sōl fintànt che i dumìla-terśèint pasiìnt ed Bui i n's'ràn pasê dala só banda dôp che 'l vêć 'l è mort. La muruśèina Teresa l'è dvintèda un de più anca lē e adèsa al duturèin al prà dedichères completamèint a viśitèr la muntàgna 'd pasiìnt catê sù, che acsè al fà cuntèinta la só mama. Mo 'l lavōr 'l è dimòndi pēś e lò stès, per la fadìga, al finìs ricoverê a 'l uspidêl, indû chi èter dutōr i prèven anca fèrgh el scherpi, se lò al ne fùs acsè śvélt da scapèr vìa in tèimp.
Da stèr cómed in scranòun in dla só trasa, n's'gh cavarà minga ed viśitèr tut i pasiìnt da stèr a 'l teléfon?!
Colegamèint estèren
- (EN) La schéda dal film in dl IMDb.
- (IT) La schéda dal film in dal FilmTV.