Grinfa dal diàvul

Da Wikipedia.

C'l artìcul chè 'l è scrit in Miranduléś Emiliàn

La grinfa dal diàvul
Soquànti piànti scadi


La Grinfa dal diàvul (nóm sientìfic Harpagophytum procumbens) l'è na piànta a èrba ch'la fà part dla famìja di Pedaliacee e ch'la crés in dl'Àfrica dal sud, in dal savàni e in dal deśèrt dal Kalahari. La s ciàma acsè parchè i sò frut, ch'i pōlan vgnir bòṅ anc cuma raìś s'a sarvìs, i finìsan cun dal grinfi, dal vòlti periculóśi p'r al bestiulìni cuma i ruśgadōr ch'i vaṅ in a risć 'd armàgn'r-ag tacâ.

La fà di fiōr rós o vióla e 'l sò raìś i èṅ druàdi in madśìna par cumbàt'r i dulōr a la schina, i reumatìśum, al cuntuśiòṅ, i sćiànc di mùscui, la siàtica e l'artrît parchè l'è n'antinfiamadōr naturàł. Inóltar la pōl sarvìr anc par cumbàtar la pudàgra.

Culegamènt estéran