Giuseppe Veronese
|
C'l artìcol chè 'l è scrit in
Carpśàn |
Giuseppe Veronese (Chiògia in dal Venesiàṅ, al 7 ed maǵ 1854 - Pèdva al 17 ed lùj 1917) 'l era stê 'n matemàtic e 'n polìtic itagliàṅ.
Dvintê in dal 1881, profesōr ed Giometrìa analìtica in dl'universitê ed Pèdva, Veronese al publichèva dagli idèi originèli in sìm'ala giometrìa di spàsi multidimensionèl (giometrìa "minga archimedèa"), ala teorìa di modē e ai nùmer transfinî. P'r al só scrìt "Fondamenti di geometria" dal 1891, al ciaparà anc dal crìtichi da di èter studiōś, c'ma da Peano e da Georg Cantor, ed pòc rigōr in dal spiegasiòun, crìtichi che però i n'catèven minga tròp 'd acòrd soquànt èter matemàtic.
Veronese al fèva a tèimp a scrìver na trintàina ed publicasiòun in sìm'ai só stùdi. In dla polìtica, dòp 'd èser stê deputê a 'l Parlamèint per Chiògia per tri an e consigliēr comunêl ed Pèdva, in dal 1904 Veronese al dvintèva Senadōr dal Règn 'd Itàglia infîn ala só mort.
Soquànti só ōvri
- (IT) "Fondamenti di geometria" dal 1891, in sìm'a 'l BEIC in ligna.
- (DE) "Grundzüge der Geometrie von mehreren Dimensionen und mehreren Arten geradliniger Einheiten, in elementarer Form entwickelt." dal 1894, in dl uni-goettingen.de.
- (IT) "Elementi di geometria ad uso dei ginnasi e licei", in colaborasiòun con Paolo Gazzaniga, dal 1900, in dal sit quod.lib.umich.edu.
Vōś lighèdi
Colegamèint estèren
- (IT) La só scheda in sìm'a la Treccani.
- (EN) La só schéda in dal sit st-andrews.ac.uk.
- (IT) Al lìber "Fondamenti di geometria" dal 1891 in sìm'a 'l sit cornell.edu.
- (DE) Al lìber "Grundzüge der Geometrie von mehreren Dimensionen und mehreren Arten geradliniger Einheiten, in elementarer Form entwickelt." in sìm'a 'l sit uni-goettingen.de.
- (IT) Al lìber "Elementi di geometria ad uso dei ginnasi e licei", dal Giuseppe Veronese in colaborasiòun col Paolo Gazzaniga, alśìbil in ligna in dal sit quod.lib.umich.edu.
- (IT) Dal schédi 'd matemàtic itagliàn in dal sit sism.unito.it.
- (IT) Dal schédi 'd matemàtic itagliàn in dal sit unibocconi.it.