Acinetobàcter baumannii
|
C'l artìcul chè 'l è scrit in
Miranduléś |
'L Acinetobàcter baumannii, cgnusû anc cuma 'l Killer di Uśdài o 'l Batēr d'l Iràq, 'l è 'n batēr gram-negatìṿ ch'al mét insém da piò ad trénta spéci o sóta-spéci ch'i s pōlan muciàr sù in tri grup prinsipài: Acinetobacter calcoaceticus-baumannii, Acinetobacter lwoffii e Acinetobacter haemolyticus. I siensiâ i èṅ stâ bòṅ ad tiràr śò al sò genòma[1].
'L è 'n batēr ch'l è drē a śvilupàr-as dimóndi e che s't al ciàp al t pōl anc far murìr parchè al dà adòs a i palmòṅ e a la psiga dl'urìna[2]. Uriginàri dla tèra mója o dl'àqua, adès cal batēr lè a s cata facilmènt anc in di uśdài atàc a i tubèṅ ch'i t insfìlsan dèntar. P'r al fat ch'i pasiènt i èṅ débui e che 'l Acinetobàcter baumannii 'l è dvintâ reśistènt a gl'antibiòtig a fòrsa 'd vìvar in c'l ambînt lè, al risć 'd armàgn'r-ag sèc bcand-'s-al 'l è dimóndi élt anc parchè gl'antibiòtig dla famìja di béta-latàmis i n gh fànan più gnint, dònca 'l è tant inùtil tōr-i.
Culegamènt estéran
- (IT) La schéda d'l Acinetobàcter baumannii in sal sit dla Fundasiòṅ par la risérca dla Fibróśi Cìstica
Nòti
- ↑ Mis a punt al genòma d'l “acinetóbacter baumannii” ch'al fà vgnir dgl'infesiòṅ gravi ch'i reśìst'n a gl'antibiòtig Il dire e il fare, 21 'd Avrìl dal 2008
- ↑ PARÌ — Un killer al gira in dal cursìi di uśdài francéś: al s ciàma Acinetobacter baumannii Il Tempo, 11 ad Dicémbar dal 2003
Àtar prugèt
Wikiquote contiene citazioni di o su Acinetobàcter baumannii
Wikimedia Commons contiene file multimediali su Acinetobàcter baumannii
