Zelda Rubinstein
|
C'l artìcul chè 'l è scrit in
Miranduléś |
La Zelda May Rubinstein (Pittsburgh, 28 ad Maǵ dal 1933 - Los Angeles, 27 ad Śnar dal 2010) l'è stada n'atōra americàna, cgnusùda par la part dla medium Tangina Barrons fata in di tri film dla saga 'd „Poltergeist“: Poltergeist - Demoniache presenze (1982), Poltergeist II - L'altra dimensione (1986) e Poltergeist III - Ci risiamo (1988).
Par via 'd un deficit a la giàndla pituitària davànti, ch'la fà 'l urmòṅ dla carsùda, l'atōra l'éra élta sōl un mét'r e trénta.
La Zelda l'è nada in Pennsylvania da na famìja 'd ebrèj pulàc. Da śōvna l'à studiâ beterulugìa a l'Università 'd Pittsburgh specialiśànd-as pò a l'Università 'd Berkeley, in dua la s è fata i òs cuma risercadōra e l'à anc imparâ a recitàr.
L'à tacâ a lauràr a 'l cìnema da granda ch'la gh'iva bèla quarànta-siē an, dòp avēr visû soquànt an in Európa, faghénd al sò debùt in dal 1979 cun la cumèdia Americathon a fiànc ad John Ritter e Elvis Costello. Fra i sò àtar film a 'rcurdém al biugràfic Frances (1982), su la vita dl'atōra Frances Farmer interpretàda par la Jessica Lange, al film ad scarésa L'angoscia (1987) ad Bigas Luna, la cumèdia Cara dolce strega (1989), in di pagn dla Madame Serena, La famiglia Addams (1991), in na part cica, al thriller Impulso omicida (1993), a fiànc dla Linda Fiorentino e dla Nancy Allen, e Southland Tales - Così finisce il mondo (2006), cun Dwayne Johnson e la Sarah Michelle Gellar.
Al sò ùltim lavōr 'l è stâ Behind the Mask - Vita di un Serial Killer (2006) in dla part dla sgnōra Collinwood.
In televiśiòṅ l'à tòlt part a soquànti puntàdi di telefìlm Santa Barbara, Ai confini dell'aldilà, I racconti della cripta e La famiglia Brock, in dla part dla Ginny.
Filmugrafìa
.png)
- 1979 - Americathon, regìa ad Neal Israel
- 1981 - Sotto l'arcobaleno (Under the Rainbow), regìa ad Steve Rash
- 1982 - Poltergeist - Demoniache presenze (Poltergeist), regìa ad Tobe Hooper e 'd Steven Spielberg
- 1982 - Frances, regìa ad Graeme Clifford
- 1984 - Sixteen Candles - Un compleanno da ricordare (Sixteen Candles), regìa ad John Hughes
- 1986 - Poltergeist II - L'altra dimensione (Poltergeist II: The Other Side), regìa ad Brian Gibson
- 1987 - L'angoscia (Angustia), regìa ad Juan José Bigas Luna
- 1988 - Poltergeist III - Ci risiamo (Poltergeist III), regìa ad Gary Sherman
- 1989 - Cara dolce strega (Teen Witch), regìa ad Dorian Walker
- 1991 - Verdetto: colpevole (Guilty as Charged), regìa ad Sam Irvin
- 1991 - The Gambler Returns: The Luck of the Draw, regìa ad Dick Lowry - Film TV
- 1991 - La famiglia Addams (The Addams Family), regìa ad Barry Sonnenfeld
- 1992 - Stormy Weathers, regìa ad Will Mackenzie - Film TV
- 1993 - Impulso omicida (Acting on Impulse), regìa ad Sam Irvin
- 1994 - Scuba School - Che coraggio ragazzi! (Last Resort), regìa ad Rafal Zielinski
- 1995 - Timemaster, regìa ad James Glickenhaus
- 1995 - Lover's Knot, regìa ad Peter Shaner
- 1996 - Little Witches, regìa dla Jane Simpson
- 1997 - Critics and Other Freaks, regìa 'd Ernie Mirich - Film TV
- 1998 - Sinbad: The Battle of the Dark Knights, regìa 'd Alan Mehrez
- 2002 - Wishcraft, regìa ad Danny Graves e 'd Richard Wenk
- 2002 - Strange Matters, regìa ad Philippe Mora
- 2004 - The Wild Card, regìa ad Tom Whitus
- 2005 - Cages, regìa ad Graham Streeter
- 2005 - Angels with Angles, regìa ad Scott Edmund Lane
- 2006 - Unbeatable Harold, regìa 'd Ari Palitz
- 2006 - Southland Tales - Così finisce il mondo (Southland Tales), regìa ad Richard Kelly
- 2006 - Behind the Mask - Vita di un serial killer (Behind the Mask: The Rise of Leslie Vernon), regìa ad Scott Glosserman