Yukon

C'l artìcul chè 'l è scrit in Miranduléś

Al Yukon 'l è 'n teritóri dal nòrd-òvest dal Cànada nâ in dal 1898 quànd al s è dastacâ da la banda òvest da i Teritóri dal Nòrd-Òvest. Al cunfìna anc cun la Culùmbia Britànica a sud e cun 'l Alàska (Stat Unî) a òvest. A nòrd a gh'è 'l mâr 'd Beaufort, un bras dal Mâr Giasàł Àrtic. Al sò caplōg 'l è Whitehorse.

Al Yukon, ch'al ciàpa 'l nóm da 'n fiùm ciamâ cumpàgn ch'al gh pasa in dal mèś, 'l è grand 482.443 km² (al 57% quaciàdi ad furèsti) e 'l gh'à quarànta-sètmila abitànt a 'l incìrca, carsû da i sinc-mila ch'al gh'iva in dal 1921. Al teritóri al gh'à 'n rapreśentànt a la cambra e òṅ a 'l senàt dal Cànada.

In dal sud-òvest dal terìtóri, a 'l intéran dal Parc nasiunàł dal Kluane, a s cata 'l Mònt Logan, la muntàgna più granda dal Cànada élta dagnóra sie-mila métar.

Al 59,71% di abitànt dal Yukon al n créd minga in dla religiòṅ, p'r al rèst a gh'è un 35% ad catòlig.

Al sò clima 'l è subàrtic cuntinentàł, cun di Invèran fréd e ślâ (in di an 1947, 1952 e 1968 a s è andâ 'd sóta di −60 °C), e di Istâ caldi (specialmènt in Śugn) ma curti.

La sò ecunumìa la pōl cuntàr su i minerài (cuma òr, piómb, ram, śinc, amiànt e argìnt), su 'l turìśum, su i traspòrt (da 'd chè i gh pàsan lʼAlaska Highway e la Klondike Highway), su 'l cumèrs e su l'indùstria e artiśanâ (mòbìi e vistî).

Culegamènt estéran

(EN) (FR) Al sit ufisiàł