Winnipeg

C'l artìcul chè 'l è scrit in Miranduléś

Winnipeg (a s lèś [ˈwɪnɪpɛɡ] in ingléś) l'è na sità ad setsènt-sinquantamìla abitànt a 'l incìrca dal sèntar dal Cànada ch'la s cata in dla pruìnsa dal Manitòba, cun na superfìsi 'd 114,67 km² a 'l incrōś ad dū fiùm: al Red River dal Nòrd e 'l Assiniboine. L'è stada fundàda a partìr da 'n furtèṅ tirâ sù in dal 1738 da 'l espluradōr francéś Pierre de La Verendrye.

Cal sèntar chè 'l è dimóndi impurtànt da 'l punt ad vista di traspòrt, feruviàri e autustradài, fra èst e òvest dal paéś tant 'd èsar batśâ cuma la «pòrta d'l òvest». Àtar camp d'arcurdàr par la sò ecunumìa i èṅ la finànsa, l'indùstria, l'agricultùra e l'istrusiòṅ. Al sò mòt in latìn 'l è “Unum cum virtute multorum” ch'a vōl dir “Òṅ c'n al putēr ad dimóndi”.

Winnipeg al gh'à 'n clima cuntinentàł, cun di Invèran fréd e ślâ (anc ad sóta di -20 °C c'n un record ad −47 °C), e cun di Primavéri e Aṿtòṅ curt.

Da 'l 2018 in sità a gh'è 'l Muśèo canadéś di dirìt umàṅ. Al sò nóm scurtâ l'à dâ l'idéa par 'l ursét Winnie the Pooh.

Al sò sìndig, da 'l Nuvémbar dal 2022, 'l è Scott Gillingham, indipendènt.

Persunàǵ ligâ a Winnipeg

Daniel Gillies, atōr
Anna Paquin, atōra

Culegamènt estéran

Wikimedia Commons contiene file multimediali su Winnipeg