Vai al contenuto

William H. Macy

Da Wikipedia.

C'l artìcul chè 'l è scrit in Miranduléś Emiliàn

William H. Macy tòlt śò in dal 2003


William H. Macy (Miami, 13 ad Mars dal 1950) 'l è 'n atōr, senegiadōr, prudutōr, ardupiadōr e regìsta americàṅ, candidâ a 'l Prèmi Òscar in dal 1997 p'r al thriller Fargo girâ cun la Frances McDormand e Steve Buscemi. Al gh'à na stéla in dla Hollywood Walk of Fame.

In dla sò caréra 'l à laurâ cun di regìsta impurtànt cuma Woody Allen, David Mamet (in siē dal sò pelìculi), Joel Schumacher, i Fradèi Coen, Gus Van Sant e David Lynch e 'l à vins dū Emmy Award p'r al film par la televiśiòṅ Porta a porta (cuma atōr e par la senegiadùra), ólt'r a quàtar candidadùri a i Golden Globe.

In televiśiòṅ 'l à fat la part dal dutōr Morgenstern in dla série E.R. - Medici in prima linea.

Uriginàri dla Flòrida, in dal 1971 al s trasferìs a Chicago dand vita insém a 'l sò amìg David Mamet a la cumpagnìa St. Nicholas Theater Company, pò in dal 1980 al và a vìv'r a New York in dua al lavóra a Broadway e anc a 'l cìnema, girànd dal pelìculi cuma Wargames - Giochi di guerra (1983), cun prutagunìsta Matthew Broderick, la cumèdia Radio Days (1987), insém a Danny Aiello, a Jeff Daniels e a la Mia Farrow, e 'l thriller La casa dei giochi (1987) a fiànc ad Joe Mantegna.

Lò in na fóto dal 2010
Macy insém a sò mujēr

In di an Nuànta al gira 'l śal Homicide (1991), al noir Ombre e nebbia (1992), a fiànc ad Woody Allen e dla Madonna, la cumèdia Le cinque vite di Hector, insém a Robin Williams, John Turturro e Vincent D'Onofrio, e 'l thriller Il cliente (1994) cun prutagunìsta la Susan Sarandon e Tommy Lee Jones.

In dal 1996 al cata 'l sucès girànd Fargo faghénd la part 'd un vendidōr ad màchini dal Minneśòta ch'al próa a fargàr di bèsi a 'l pàd'r ad sò mujēr. 'L an dòp, insém a Harrison Ford, Gary Oldman e la Glenn Close, 'l è in dal cast dal film 'd asiòṅ Air Force One. Sèmp'r in dal 1997 al rècita in Boogie Nights - L'altra Hollywood, cun Mark Wahlberg e la Julianne Moore, e in dla cumèdia Sesso & potere, filmòṅ cun Robert De Niro e Dustin Hoffman.

In dal 1998 al fà 'n cumercialìsta in dal drama A Civil Action a fiànc ad John Travolta e Robert Duvall, pò al fà la part dal detective privâ Milton Arbogast in dal thriller Psycho, arfacimènt dal film 'd Alfred Hitchcock Psyco dal 1960. 'L an dòp a 'l ém vist in dal drama Magnolia a fiànc ad Tom Cruise e anc in dla cumèdia Happy, Texas in dla part dal sierìf gay Chappy.

In dal 2000 David Mamet 'l al sarnìs par giràr la cumèdia Hollywood, Vermont. a fiànc 'd Alec Baldwin, pò Macy 'l è prutagunìsta dal pulisiésc Panic, film girâ cun John Ritter, la Neve Campbell, Donald Sutherland e la Barbara Bain. In dal 2001 al rècita insém a Sam Neill e a Alessandro Nivola in Jurassic Park III mént'r in dal 2004 al gira Cellular, in còpia cun la Kim Basinger, e Spartan insém a Val Kilmer.

In dal 2005 'l è 'l prutagunìsta dal thriller Edmond, cun la Denise Richards e la Mena Suvari ch'i fànan dó putàni, e 'l tōś anc part a la cumèdia Thank You for Smoking a fiànc 'd Aaron Eckhart. Insém a la Laura Dern in dal 2006 al gira al film ad scarésa Inland Empire - L'impero della mente ad David Lynch.

In dal 2007 al rècita in Svalvolati on the road insém a John Travolta, Tim Allen e Martin Lawrence, un film su di óm in là c'n i an ch'i partìsan in sèla a 'l sò Harley-Davidson da Cincinnati vèrs la Califòrgna e 'l Mèsic Nóṿ. Dū an dòp l'è la vòlta ad The Maiden Heist - Colpo grosso al museo, na cumèdia in dua 'l è prutagunìsta a fiànc ad Morgan Freeman e 'd Christopher Walken. Fra i sò ùltim lavōr a 'rcurdém al cumèdi Ti presento i suoceri (2023), fata insém a Richard Gere, la Diane Keaton e la Susan Sarandon, e Ricky Stanicky - L'amico immaginario (2024), cun Zac Efron e John Cena.

Ad fēd luteràna, in dal Setémbar dal 1997 'l à spuśâ la culéga Felicity Huffman, dòp quìnd'ś an da muróś. Insém i gh'aṅ dó fiōli, la Sophia Grace (2000) e la Georgia Grace (2002).

Filmugrafìa

[mudéfica la surzéia]
Nòt da dar-ag dèntar - Cl'atra Hollywood (1997)

cuma regìsta

[mudéfica la surzéia]

Culegamènt estéran

[mudéfica la surzéia]

Àtar prugèt

[mudéfica la surzéia]
Estratto da "https://eml.wikipedia.org/w/index.php?title=William_H._Macy&oldid=164672"