William Berger

C'l artìcul chè 'l è scrit in Miranduléś

Wilhelm Thomas Berger, cgnusû méj cuma William Berger o anc sōl cuma Bill Berger (Innsbruck, 20 ad Śnar dal 1928 - Los Angeles, 2 'd Utóbar dal 1993, a s lèś [ˈvɪlhɛlm ˈtoːmas ˈbɛʁɡɐ] in tedésc), 'l è stâ 'n atōr austrìac.

In dla sò caréra, tacàda fra la fîṅ di an Sinquànta e 'l inìsi di an Ssanta tulénd part a telefìlm cuma Avventure in fondo al mare, The Clear Horizon (par 256 epiśòdi) e Ai confini della notte, 'l à laurâ cuma atōr a 'l cìnema e in televiśiòṅ in sènt-sinquànta e pasa prudusiòṅ, finénd i sò impégn cun la minisérie Il barone dal 1995.

'L à laurâ dimóndi in Itàglia in dua al s è fat un nóm recitànd in soquànt spaghetti western, da spés cuma antagunìsta a fiànc a Tomas Milian, Franco Nero, Giuliano Gemma, Bud Spencer e Gianni Garko, girànd pelìculi cuma Faccia a faccia (1967), Ehi amico... c'è Sabata. Hai chiuso! (1969), in dla part ad Banjo, Sartana nella valle degli avvoltoi (1970), faghénd al prutagunìsta Lee Calloway dit Sartana, Gli fumavano le Colt... lo chiamavano Camposanto (1971), California (1977), in dua 'l à incruśâ Raimund Harmstorf e Miguel Bosé, Tex e il signore degli abissi (1985), c'n al rōl ad Kit Carson amìg ad Tex Willer, e Django 2 - Il grande ritorno (1987).

Par via dla sò bravitù, 'l è stâ bòṅ ad pasàr da 'n gènar a c'l àtar, da 'l grutésc (L'uomo dei cinque palloni dal 1965, a fiànc dla Catherine Spaak e 'd Marcello Mastroianni) a 'l śal (La lama nel corpo dal 1966 cun la Françoise Prévost), da 'l western (Una lunga fila di croci dal 1969) a i film ad guèra (La colomba non deve volare dal 1970 insém a la Sylva Koscina).

A s 'l arcurdém tut far la part 'd òṅ di tri óm d'l harem dla Carroll Baker in L'harem (1967) ma anc p'r i sò thriller di an Stanta cuma 5 bambole per la luna d'agosto, cun l'Ira von Fürstenberg e l'Edwige Fenech, e Mio caro assassino in dua al fà 'n óm suspetâ 'd ès'r insaplâ in cun caś ad rapimènt e 'd umisìdi dna putìna. In chi an lè 'l à catâ spasi anc in dal film ad scarésa Sospiri (1974) ad Jesús Franco e in dal stòrig L'Agnese va a morire (1976), cun l'Ingrid Thulin e Michele Placido.

In di an Utànta a 'l ém vist in pelìculi 'd asiòṅ e aventuróśi cuma La guerra del ferro - Ironmaster (1983), Hercules (1983), in dla part ad Minòs e Lou Ferrigno in qvéla 'd Èrcule, e Shark - Rosso nell'oceano (1984) par la regìa ad Lamberto Bava. In séguit 'l à recitâ in dal drama Interno berlinese (1985) dla Liliana Cavani, in dal film ad scarésa Il nido del ragno (1988), cun la Stéphane Audran, e in dal thriller Doctor M. (1990) dirèt par Claude Chabrol.

In di an Stanta 'l è stâ vitma 'd un caś da mala-giustìstia in Itàglia, esénd arestâ e mis in un manicòmi criminàł par soquànt méś, prima dal prucès, parchè la pulisìa la gh'iva catâ in dla sò cà a Prajàṅ 0,9 gram 'd hashish, fra 'l àtar minga sua. Anc sò mujēr, l'atōra Carol Lobravico, l'è finìda in manicòmi e la gh'è anc mòrta par via dna peritunît minga curàda bèṅ. Berger, ch'al gh'iva siē fiōi, 'l è mòrt in Califòrgna a ssanta-sinc an p'r un cànc'r a la pròstata.

Filmugrafìa

1961 - Il sentiero degli amanti (Back Street), regìa ad David Miller
1965 - Il colonnello Von Ryan (Von Ryan's Express), regìa ad Mark Robson
1965 - Oggi, domani, dopodomani, regìa 'd Eduardo De Filippo, ad Marco Ferreri e 'd Luciano Salce
1966 - La grande notte di Ringo, regìa ad Mario Maffei
1966 - La lama nel corpo, regìa 'd Elio Scardamaglia
1966 - El Cisco, regìa ad Sergio Bergonzelli
1967 - L'uomo dei cinque palloni, regìa ad Marco Ferreri
1967 - L'harem, regìa ad Marco Ferreri
1967 - Il giorno in cui i pesci uscirono dal mare (The Day the Fish Came Out), regìa ad Michael Cacoyannis
1967 - Faccia a faccia, regìa ad Sergio Sollima
1968 - Oggi a me... domani a te, regìa ad Tonino Cervi
1968 - Kol Mamzer Melech, regìa 'd Uri Zohar
1968 - Il suo nome gridava vendetta, regìa ad Mario Caiano
1968 - ...se incontri Sartana prega per la tua morte, regìa ad Gianfranco Parolini
1968 - I gangsters dalla faccia pulita (Sommersprossen), regìa 'd Helmut Förnbacher
1969 - Una lunga fila di croci, regìa ad Sergio Garrone
1969 - Köpfchen in das Wasser, Schwänzchen in die Hön, regìa 'd Helmut Förnbacher
1970 - Ehi amico... c'è Sabata. Hai chiuso!, regìa ad Gianfranco Parolini
1970 - Ombre roventi, regìa ad Mario Caiano
1970 - La colomba non deve volare, regìa ad Sergio Garrone
1970 - 5 bambole per la luna d'agosto, regìa ad Mario Bava
1970 - Sartana nella valle degli avvoltoi, regìa ad Roberto Mauri
1971 - Gli fumavano le Colt... lo chiamavano Camposanto, regìa ad Gianfranco Parolini
1972 - Mio caro assassino, regìa ad Tonino Valerii
1972 - Io monaca... per tre carogne e sette peccatrici, regìa 'd Ernst R. von Theumer
1972 - Luger calibro 9 - Massacro per una rapina, regìa ad Peter Patzak
1973 - Una colt in mano al diavolo, regìa ad Gianfranco Baldanello
1973 - ...altrimenti vi ammucchiamo, regìa ad Ban-Yee Yeo
1973 - La vita in gioco, regìa ad Gianfranco Mingozzi
1973 - Un capitano di 15 anni (Un capitán de quince años), regìa ad Jesús Franco
1973 - Il giustiziere di Dio, regìa ad Franco Lattanzi
1973 - Super Fly T.N.T., regìa ad Ron O'Neal
1973 - ...E il terzo giorno arrivò il corvo, regìa ad Gianni Crea
1973 - Verflucht, dies America, regìa ad Volker Vogeler
1973 - Mi chiamavano Requiescat... ma avevano sbagliato, regìa ad Mario Bianchi
1973 - Il figlio di Zorro, regìa ad Gianfranco Baldanello
1973 - Los ojos sinistros del doctor Orloff, regìa ad Jesús Franco
1974 - Uomini duri, regìa ad Duccio Tessari
1974 - Sospiri (La noche de los asesinos), regìa ad Jesús Franco
1974 - La meravigliosa visita (La mervelleuse visite), regìa ad Marcel Carné
1974 - Terminal, regìa ad Paolo Breccia
1975 - Sensoria (Parapyscho - Spektrum der Angest), regìa ad Peter Patzak
1976 - Telefoni bianchi, regìa ad Dino Risi
1976 - Gli amici di Nick Hezard, regìa ad Fernando Di Leo
1976 - Il colpaccio, regìa ad Bruno Paolinelli
1976 - L'Agnese va a morire, regìa ad Giuliano Montaldo
1976 - Keoma, regìa 'd Enzo G. Castellari
1977 - Dimensione giganti, regìa ad Mircea Drăgan
1977 - Confessioni proibite di una monaca adolescente (Die Liebesbriefe einer portugiesischen Nonne), regìa ad Jesús Franco
1977 - California, regìa ad Michele Lupo
1977 - Per questa notte, regìa ad Carlo Di Carlo
1977 - Mogliamante, regìa ad Marco Vicario
1978 - Ciao maschio, regìa ad Marco Ferreri
1978 - Circuito chiuso, regìa ad Giuliano Montaldo - Film TV
1978 - Porco mondo, regìa ad Sergio Bergonzelli
1978 - Comincerà tutto un mattino: io donna tu donna, regìa 'd Angelo Pannacciò
1979 - Die Totemschmecker, regìa 'd Ernst R. von Theumer
1979 - Santa Lucia, regìa ad Peter Patzak - Film TV
1979 - I viaggiatori della sera, regìa 'd Ugo Tognazzi
1979 - Ammazzare il tempo, regìa ad Mimmo Rafele
1980 - Holocaust 2 - I ricordi, i deliri, la vendetta, regìa 'd Angelo Pannacciò
1980 - Il giorno del Cobra, regìa 'd Enzo G. Castellari
1981 - Ripacsok, regìa ad Pál Sándor
1981 - Bosco d'amore, regìa 'd Alberto Bevilacqua
1982 - La vela incantata, regìa ad Gianfranco Mingozzi – Film TV
1982 - La ragazza di Trieste, regìa ad Pasquale Festa Campanile
1982 - Even... Unknown Terror, regìa ad James Rogers
1983 - Scarlatto e nero (The Scarlet and the Black), regìa ad Jerry London – Film TV
1983 - La guerra del ferro - Ironmaster, regìa 'd Umberto Lenzi
1983 - Hercules, regìa ad Luigi Cozzi
1983 - Il momento dell'avventura, regìa ad Faliero Rosati
1983 - Hanna K., regìa ad Costa-Gavras
1984 - Il lebbroso, regìa ad Franco Rossetti – Film TV
1984 - Un caso d'incoscienza, regìa 'd Emidio Greco – Film TV
1984 - Shark - Rosso nell'oceano, regìa ad Lamberto Bava
1984 - Diamond Connection, regìa ad Sergio Bergonzelli
1984 - Zielscheiben, regìa ad Volker Vogeler
1984 - Tiger - Frühling in Wien, regìa ad Peter Patzak
1984 - I figli del guardaboschi (Die Försterbuben), regìa ad Peter Patzak – Film TV
1984 - El asesino llevaba medias negras, regìa ad Jesús Franco
1985 - Le avventure dell'incredibile Ercole, regìa ad Luigi Cozzi
1985 - In corsa per l'oro (Going for the Gold: The Bill Johnson Story), regìa ad Don Taylor – Film TV
1985 - Gioco sporco a Casablanca (Juego sucio en Casablanca), regìa ad Jesús Franco
1985 - I due prigionieri, regìa 'd Anton Giulio Majano – Film TV
1985 - Tex e il signore degli abissi, regìa ad Duccio Tessari
1985 - Interno berlinese, regìa dla Liliana Cavani
1986 - The Fifth Missile, regìa ad Larry Peerce – Film TV
1986 - Tarot, regìa ad Rudolf Thome
1986 - Les amazones du temple d'or, regìa 'd Alain Payet
1987 - Il giorno prima, regìa ad Giuliano Montaldo
1987 - La morte di Empedocle (Der todt des Empedockles), regìa ad Straub e Huillet
1987 - Strike Commando, regìa ad Bruno Mattei - Vōś
1987 - Skipper, regìa ad Roberto Malenotti – Film TV
1987 - Luci lontane, regìa 'd Aurelio Chiesa
1987 - Django 2 - Il grande ritorno, regìa ad Nello Rossati
1987 - Hell Hunters, regìa 'd Ernst R. von Theumer
1987 - Femminile desiderio, regìa 'd Angelo Pannacciò
1988 - Le due croci, regìa ad Silvio Maestranzi – Film TV
1988 - Camillo Castiglioni oder die Moral der Haifische, regìa ad Peter Patzak – Film TV
1988 - Una grande storia d'amore, regìa ad Duccio Tessari – Film TV
1988 - Fratello dello spazio, regìa ad Mario Gariazzo
1988 - Il vizio di vivere, regìa ad Rino Disi – Film TV
1988 - Top Line, regìa ad Nello Rossati
1988 - Il nido del ragno, regìa ad Gianfranco Giagni
1988 - Minaccia d'amore, regìa ad Ruggero Deodato
1988 - Bachi da seta, regìa ad Gilberto Visintin
1989 - Maya, regìa ad Marcello Avallone
1989 - Blu elettrico, regìa dl'Elfriede Gaeng – Film TV
1990 - La puttana del re (La putain du roi), regìa 'd Axel Corti
1990 - Doctor M., regìa ad Claude Chabrol
1990 - Vestito che uccide (I'm Dangerous Tonight), regìa ad Tobe Hooper – Film TV
1990 - Lex Minister, regìa ad Peter Patzak
1991 - Sankt Petri-Schnee, regìa ad Peter Patzak – Film TV
1991 - Un amore sconosciuto, regìa ad Gianni Amico
1991 - Buck ai confini del cielo, regìa ad Tonino Ricci
1993 - Berlino '39, regìa ad Sergio Sollima
1993 - Das Babylon Komplott, regìa ad Peter Patzak – Film TV
1993 - Jungle of Fear, regìa ad Jesús Franco
1994 - 18000 giorni fa, regìa ad Sergio Sollima

Culegamènt estéran

(IT) Filmugrafìa su 'l IMDb

Àtar prugèt

Wikimedia Commons contiene file multimediali su William Berger