Wesley Snipes
|
C'l artìcul chè 'l è scrit in
Miranduléś |
Wesley Trent Snipes (Urlànd, 31 ad Luj dal 1962, a s lèś [ˈwɛsliː snaɪps] in ingléś) 'l è 'n atōr e prudutōr americàṅ. Al gh'à na stéla in dla Hollywood Walk of Fame e 'l è espèrt in art marsiàli, ch'l à tacâ a far a dód'ś an, esénd sintùra négra V dan in Karate stîł Shotokan, sintùra négra III dan in Taekwondo e sintùra négra II dan in Hapkido.
Biugrafìa
[mudéfica la surzéia]Uriginàri dal stat dla Flòrida, Wesley al crés a New York in dal quartēr ad South Bronx. Da śōv'n al taca a studiàr a la High School for performing arts par pò tacàr a far-'s i òs in soquànti prudusiòṅ a teàt'r e in televiśiòṅ, cuma i telefìlm La valle dei pini e Miami Vice. In dal 1986 al gira 'l sò prim film a fiànc dla Goldie Hawn, la cumèdia Una bionda per i Wildcats, méntar 'l an dòp al cumparìs in dal vìddeo ad Bad ad Michael Jackson, ch'al dvintarà sò amìg, girâ par Martin Scorsese.
A 'l inìsi di an Nuànta al lavóra cun Abel Ferrara in dal noir King of New York e pò cun Spike Lee in dal drama Mo' Better Blues, cun prutagunìsta Denzel Washington, e Jungle Fever, in còpia cun l'Annabella Sciorra, faghénd-'s un nóm. In dal 1993 'l è in dal cast ad Sol levante, cun Sean Connery, e in qvél ad Demolition Man in di pagn dal delinquènt Simon Phoenix.
In dal 1995 a 'l catém in dla cumèdia A Wong Foo, grazie di tutto! Julie Newmar, in du 'l fà la part dal travestî Noxeema Jackson a fiànc ad Patrick Swayze e 'd John Leguizamo, e in dal thriller 'd asiòṅ Money Train cun la Jennifer Lopez. 'L an dòp al fà 'n campiòṅ ad baseball ch'al gh'à da far i cònt cun Robert De Niro ch'l è 'n sò fan sfegatâ in The Fan - Il mito ad Tony Scott.
In dal 1997 al vins la Cópa Volpi a 'l Fèstival ad Venèsia par la part ad Max Carlyle in dal drama Complice la notte in còpia cun la Nastassja Kinski. Dòp al thriller U.S. Marshals - Caccia senza tregua, girâ cun Tommy Lee Jones e Robert Downey Jr., Wesley al s mét i pagn dal casadōr ad vampîr Eric Brooks in dal film trat da 'n persunàǵ dla Marvel Comics Blade, rōl ch'al farà incóra in séguit in Blade II (2002), Blade: Trinity (2004) e Deadpool & Wolverine (2024).
Snipes, ch'al s è spuśâ dó vòlti avénd sinc fiōi, al gh'à abû di prubléma cun la giustìsia in dal 2008 parchè al n iva minga pagâ 'l tasi fra 'l 1999 e 'l 2001.
Filmugrafìa
[mudéfica la surzéia]
.png)
- 1986 - Una bionda per i Wildcats (Wildcats), regìa ad Michael Ritchie
- 1986 - Fuori i secondi (Streets of Gold), regìa ad Joe Roth
- 1987 - Prognosi riservata (Critical Condition), regìa ad Michael Apted
- 1989 - Major League - La squadra più scassata della lega (Major League), regìa ad David S. Ward
- 1990 - King of New York, regìa 'd Abel Ferrara
- 1990 - Mo' Better Blues, regìa ad Spike Lee
- 1991 - New Jack City, regìa ad Mario Van Peebles
- 1991 - Jungle Fever, regìa ad Spike Lee
- 1992 - Vita di cristallo (The Waterdance), regìa ad Neal Jimenez e 'd Michael Steinberg
- 1992 - Chi non salta bianco è (White Men Can't Jump), regìa ad Ron Shelton
- 1992 - Passenger 57 - Terrore ad alta quota (Passenger 57), regìa ad Kevin Hooks
- 1993 - Limite estremo (Boiling Point), regìa ad Gerald Petievich
- 1993 - Sol levante (Sun rising), regìa ad Philip Kaufman
- 1993 - Demolition Man, regìa ad Marco Brambilla
- 1993 - Scacco al re nero (Sugar Hill), regìa ad Leon Ichaso
- 1994 - Omicidio nel vuoto (Drop Zone), regìa ad John Badham
- 1995 - A Wong Foo, grazie di tutto! Julie Newmar (To Wong Foo Thanks for Everything, Julie Newmar), regìa ad Beeban Kidron
- 1995 - Money Train, regìa ad Joseph Ruben
- 1995 - Donne - Waiting to Exhale (Waiting to Exhale), regìa ad Forest Whitaker
- 1996 - The Fan - Il mito (The Fan), regìa ad Tony Scott
- 1996 - America's Dream, regìa ad Paris Barclay e 'd Bill Duke – Film TV
- 1997 - Murder at 1600 - Delitto alla Casa Bianca (Murder at 1600), regìa ad Dwight H. Little
- 1997 - Complice la notte (One Night Stand), regìa ad Mike Figgis
- 1998 - Future Sport (Futuresport), regìa 'd Ernest Dickerson – Film TV
- 1998 - U.S. Marshals - Caccia senza tregua (U.S Marshals), regìa ad Stuart Baird
- 1998 - Una nuova vita (Down in the Delta), regìa dla Maya Angelou
- 1998 - Blade, regìa ad Stephen Norrington
- 2000 - Incontriamoci a Las Vegas (Play It to the Bone), regìa ad Ron Shelton
- 2000 - L'arte della guerra (The Art of War), regìa ad Christian Duguay
- 2000 - L'amore prima di tutto (Disappearing Acts), regìa dla Gina Prince-Bythewood – Film TV
- 2000 - Liberty Stands Still, regìa dla Kari Skogland
- 2002 - Time X - Fuori tempo massimo (ZigZag), regìa ad David S. Goyer
- 2002 - Blade II, regìa ad Guillermo del Toro
- 2002 - Undisputed, regìa ad Walter Hill
- 2004 - Nine Lives (Unstoppable), regìa ad David Carson
- 2004 - Blade: Trinity, regìa ad David S. Goyer
- 2005 - 7 Seconds, regìa ad Simon Fellows
- 2005 - Nuclear Target (The Marksman), regìa ad Marcus Adams
- 2005 - Caos (Chaos), regìa ad Tony Giglio
- 2006 - Detonator - Gioco mortale (The Detonator), regìa ad Po-Chih Leong
- 2006 - Hard Luck - Uno strano scherzo del destino (Hard Luck), regìa ad Mario Van Peebles
- 2007 - The Contractor - Rischio supremo (The Contractor), regìa ad Josef Rusnak
- 2008 - L'arte della guerra 2 (The Art of War II: Betrayal), regìa ad Josef Rusnak
- 2009 - Brooklyn's Finest, regìa 'd Antoine Fuqua
- 2010 - Game of Death, regìa ad Giorgio Serafini
- 2012 - Gallowwalkers, regìa 'd Andrew Goth
- 2014 - I mercenari 3 - The Expendables (The Expendables 3), regìa ad Patrick Hughes
- 2015 - Chi-Raq, regìa ad Spike Lee
- 2017 - The Recall - L'invasione (The Recall), regìa ad Mauro Borrelli
- 2017 - Armed Response, regìa ad John Stockwell
- 2019 - Dolemite Is My Name, regìa ad Craig Brewer
- 2020 - Acque buie (Cut Throat City), regìa ad RZA
- 2021 - Il principe cerca figlio (Coming 2 America), regìa ad Craig Brewer
- 2023 - Back on the Strip, regìa ad Chris Spencer
- 2024 - Deadpool & Wolverine, regìa ad Shawn Levy
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Wesley Snipes
Wikimedia Commons contiene file multimediali su Wesley Snipes
