Warner Bros.
|
C'l artìcul chè 'l è scrit in
Miranduléś |
La Warner Bros. Entertainment, Inc., o anc sōl Warner Bros., l'è na cà 'd prudusiòṅ e 'd distribusiòṅ ad film e prudót par la televiśiòṅ americàna ch'la fà part dal grup Warner Bros. Discovery. Fra 'l sò cuntrulàdi a 'rcurdém la CNN, i DC Studios (fumét e cìnema) e la New Line Cinema ma anc al grup Discovery ch'al traśmét Food Network, HGTV, Animal Planet e, in Itàglia, Nove, Real Time e DMAX. L'è impgnàda anc in dal camp di śōg vìddeo e di cartòṅ animâ. I persunàǵ di Looney Tunes i èṅ tuo suo, méntar la spartìs cun di atri cà qvéi ad Tom & Jerry, Scooby-Doo e Pokémon.
L'è stada fundàda al 4 'd Avrìl dal 1923 da i fradèi Warner: Albert, Harry, Sam e Jack. La sò sēd prinsipàla l'è a Burbank darènt a Los Angeles.
In dal 1927 la sucietà l'à fat na scumésa faghénd vgnir fóra al prim film sunôr dla stòria, Il cantante di jazz. Par la Warner Bros. i aṅ laurâ i più grand regìsta e atōr 'd Hollywood cuma Christopher Nolan, Clint Eastwood, Stanley Kubrick, Steven Spielberg, Tim Burton, Humphrey Bogart, James Cagney, la Bette Davis, Paul Newman, Robert Redford, Leonardo DiCaprio, l'Emma Watson e John Garfield.
Da i tèmp dal cìnema mut a vgnir a 'dès la Warner Bros. l'à prudót da piò ad dódasmìla film, fra i più impurtànt a 'rcurdém Casablanca, Harry Potter e la pietra filosofale (e tut i sò séguit), Matrix, Arancia meccanica, Le ali della libertà, Il cavaliere oscuro, Il Signore degli Anelli - La Compagnia dell'Anello (e tut i sò séguit), Seven, Qualcuno volò sul nido del cuculo, Amadeus, Intrigo internazionale, Cantando sotto la pioggia, Full Metal Jacket, L.A. Confidential, Via col vento, Quarto potere, L'esorcista, Million Dollar Baby, Il mago di Oz, Quel pomeriggio di un giorno da cani, Che fine ha fatto Baby Jane?, Chi ha paura di Virginia Woolf?, Tutti gli uomini del presidente, Il dottor Živago, Il grande sonno, Un tram che si chiama Desiderio, La gatta sul tetto che scotta, Il fuggitivo, Willy Wonka e la fabbrica di cioccolato, La valle dell'Eden, Cabaret, Scandalo a Filadelfia, Angoscia, Ispettore Callaghan: il caso Scorpio è tuo!, 300, Arma letale, Gioventù bruciata e dimóndi ma dimóndi àtar.