Wanted vivo o morto
|
C'l artìcul chè 'l è scrit in
Miranduléś |
 Wanted: Dead or Alive | ||
| Wanted vivo o morto | ||
 Gene Simmons in na figùra dal film | ||
| Risercâ viṿ o mòrt 1986 | ||
|---|---|---|
| Regìa: Gary Sherman | ||
| Scritōr: Michael Patrick Goodman Brian Taggert • Gary Sherman | ||
| Atōr: Rutger Hauer • Gene Simmons • Mel Harris Robert Guillaume • William Russ • Jerry Hardin Hugh Gillin • Eli Danker • Robert Harper | ||
| Müsica: Joe Renzetti | ||
| Léngua: Ingléś • Àrab | ||
| Dürä dal film: 106 minüt | ||
| Nasiōṅ: Stat Unî | ||
Wanted vivo o morto (Risercâ viṿ o mòrt) 'l è 'n film pulisiésc 'd asiòṅ americàṅ dal 1986 ad Gary Sherman, cun Rutger Hauer in dla part dal prutagunìsta, eróe decìś e sénsa scrùpui anvōd dal persunàǵ ad Josh Randall fat da Steve McQueen in dla série televiśìva Ricercato vivo o morto, e Gene Simmons, basìsta di Kiss, in dla part dal catìṿ.
La pelìcula, giràda fra Los Angeles e San Pedro c'n un budget ad quàtar migliòṅ e mèś ad dòlar, la 'n à pò fat sù da piò ad sèt e mèś.
Sunt
[mudéfica la surzéia]Nick Randall (Rutger Hauer), èx mémbar dla CIA e dimóndi amìg dal pulisiòt Danny Quintz (William Russ), adès al fà 'l casadōr ad taj par la pulisìa ad Los Angeles ch'la gh'à a cap John Lipton (Jerry Hardin). In cà sua Nick al gh'à 'n arsenàł 'd armi da fōg ch'i gh sarvìsar par far i sò lavursèṅ, sémp'r a 'l lìmit dla léǵ ma dal vòlti anc da 'd là.
A séguit d'n atintâ spavintóś mis in òvra da 'l terurìsta medi-urientàł Malak Al Rahim (Gene Simmons), ch'l à fat saltàr p'r ària un cìnema cupànd un muć ad parsòni, 'l agìnt Philmore Walker (Robert Guillaume) al s fà avànti par cònt ad Lipton par dmandàr a Randall ad jutàr-i a ciapàr al delinquènt àrab, prima ch'al pòsa andàr avànti c'n i sò masamènt. Randall al gh diś ad sè p'r i bèsi ma al vōl carta biànca e èsar lasâ in paś in dal sò lavōr, sénsa ch'la pulisìa la gh staga adòs.
Randall al s mét in mòt par dar la casa a Malak ma la pulisìa la 'l tîṅ 'd òć anc parchè al piaṅ ad Lipton al sarév qvél ad druàr-al cuma lésca. In cal méntar Al Rahim, insém a la sò réda 'd culaburadōr cumpòsta par Robert Aziz (Eli Danker), Hassan (Joseph Nasser), la Jamilla (Suzanne Wouk), Abdul Renza (Gerald Papasian) e Amir (Nick Faltas), al strulga 'n piàṅ par far un diśàstar chìmig in 'n impiànt industriàł cuma qvél sucès a Bhopal in Ìndia.
Prima 'd andàr drit c'n al piàṅ, Aziz al fà scupiàr na bómba su la barca 'd Nick, masànd la sò muróśa Terry (Mel Harris) e 'l sergînt Quintz, ch'l éra lè par jutàr-al. La vindéta ad Randall la sarà spavintóśa.