Vincent Guastaferro
|
C'l artìcul chè 'l è scrit in
Miranduléś |
Vincent Guastaferro (Jersey City, 6 'd Avrìl dal 1950) 'l è 'n atōr americàṅ.
'L à tacâ la sò caréra a 'l inìsi di an Utànta tulénd part a film cuma Bolidi nella notte (1981), insém a Dennis Hopper, Pericolosamente insieme (1986), faghénd un pulisiòt, Niente in comune (1986), a fiànc ad Tom Hanks e dl'Eva Marie Saint, Venerdì 13: parte VI - Jason vive (1986), in dla part dal deputâ Rick Cologne, e Sotto shock (1989), pelìcula 'd Wes Craven cun Mitch Pileggi.
In di an Nuànta 'l à fat al tenènt Senna in Homicide ad Joe Mantegna (1991) pò 'l à tòlt part a 'l drama cun John Travolta Teneramente in tre (1991), a 'l film 'd asiòṅ Harry e Kit (1993), insém a Michael Madsen e a la Patricia Arquette, e a la cumèdia Il meraviglioso abito color gelato alla panna (1988), par pò lauràr cun Woody Allen in Accordi & disaccordi (1999).
Fra 'l sò ùltmi pelìculi a 'rcurdém Spartan (2004), cun prutagunìsta Val Kilmer, al thriller Edmond (2005), a fiànc ad William H. Macy, e in dal drama Sons of Italy (2006), in dla part ad Genaro.
In televiśiòṅ 'l à laurâ in di telefìlm Lou Grant, Santa Barbara, Ai confini della realtà, Oltre la legge - L'informatore, Flash, Nel nome di un figlio, Lois & Clark - Le nuove avventure di Superman, Melrose Place, New York Police Department, faghénd al sergînt Vincent Agostini, Law & Order: Unità Speciale e Law & Order - I due volti della giustizia.