Venerdì 13 parte IV - Capitolo finale
|
C'l artìcul chè 'l è scrit in
Miranduléś |
 Friday the 13th: The Final Chapter | ||
| Venerdì 13 - Capitolo finale | ||
 Bruce Mahler in na figùra dal film | ||
| Venardè 13 - Capìtul finâł 1984 | ||
|---|---|---|
| Regìa: Joseph Zito | ||
| Scritōr: Victor Miller • Carol Watson Ron Kurz • Martin Kitrosser • Barney Cohen Bruce Hidemi Sakow • Sean S. Cunningham | ||
| Atōr: Kimberly Beck • Corey Feldman Crispin Glover • Ted White • Erich Anderson Peter Barton • Alan Hayes • Barbara Howard Lisa Freeman • Joan Freeman • Camilla Moore Corey Moore • Judie Aronson • Paul Lukather | ||
| Müsica: Harry Manfredini | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Venerdì 13 parte IV - Capitolo finale (Venardè 13 - Capìtul finâł) 'l è 'n film ad scarésa americàṅ dal 1984 ad Joseph Zito, séguit dal film Venerdì 13 parte III - Weekend di terrore ad dū an prima.
La pelìcula l'è stada 'n sucès par la Paramount Pictures ch'l'è stada bòna 'd purtàr a cà tri-a-tri migliòṅ ad dòlar dòp ès'r-an custàda dū e dū.
Sunt
Al còrp dal sasèṅ seriàł Jason Voorhees (Ted White) al vîṅ purtâ a 'l ubitòri ad Wessex County ma al n è minga mòrt dabòṅ. Quànd al s déśda al taja la góla c'n un śghét a 'l dutōr Axel Burns (Bruce Mahler) par pò cupàr l'infarméra Morgan (Lisa Freeman) c'n un curtlàs, prima 'd turnàr a Crystal Lake.
Lè darènt un grup 'd amìg, Paul (Clyde Hayes), la Samantha (Judie Aronson), la Sara (Barbara Howard), Doug (Peter Barton), Ted (Lawrence Monoson) e Jimmy (Crispin Glover) i aṅ tòlt na cà in afìt. I ragàs i incróśan prima dū fradèi ch'i stànan da cal bandi lè, la Trish (Kimberly Beck) e 'l pìcul Tommy (Corey Feldman) ad dód'ś an, e pò dó śuvnòti in dal bòsc in dal méntar ch'i éran drē a 'ndàr a 'l lâg par far dal nudìśum, la Tina (Camilla More) e la Terri (Carey More), ch'i s śònt'n a 'l grup. A gh'è anc un turìsta ciamâ Rob (Erich Anderson) ch'l è rivâ cun la sò ténda.
Qvésta chè l'è l'ucaśiòṅ par Voorhees par far un masèl.