Vamp (film)
|
C'l artìcul chè 'l è scrit in
Miranduléś |
 Vamp | ||
| Vamp | ||
 La Grace Jones in na figùra dal film | ||
| id. 1986 | ||
|---|---|---|
| Regìa: Richard Wenk | ||
| Scritōr: Richard Wenk • Donald P. Borchers | ||
| Atōr: Grace Jones • Robert Rusler • Lisa Lyon Chris Makepeace • Brad Logan • Sandy Baron Gary Swailes • Billy Drago • Gedde Watanabe Dedee Pfeiffer • Jim Boyle • Larry Spinak | ||
| Müsica: Jonathan Elias | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî | ||
Vamp (id.) 'l è na cumèdia ad scarésa americàna dal 1986 ad Richard Wenk ch'al l'à anc scrita insém a Donald P. Borchers.
L'à purtâ a cà quàtar migliòṅ e nóṿ ad dòlar a frònt dna spéśa ad tri e tri.
Sunt
[mudéfica la surzéia]Keith (Chris Makepeace) e A.J. (Robert Rusler) i èṅ dū śōvan ch'i mōran da la vója 'd far part 'd un grup studentésc. Par far sù di punt a i òć di sò amìg dal culéǵ, i decìdan ad tōr na ragàsa ch'la s cava śò par mistēr e i s faṅ cumpagnàr in un night ciamâ "Dòp al scûr" da cal ricàstar ad Duncan (Gedde Watanabe).
Dòp na litgàda c'n un grup ad gint fóra 'd tèsta c'n a cap un tisi ciamâ Snow (Billy Drago), i tri cgnósan pò al padròṅ dal lucàl ch'l i fà vgnir dèntar, Vic (Sandy Baron). In sal palc a gh'è cla pantéra dla Katrina (Grace Jones) ch'la gh tōś al fiâ ma chi lē, cuma tut qvéi dal night, i n èṅ àtar che di vampîr.
Méntar A.J. al sparìs, Keith al próa a scapàr via par na canaléta insém a la balarìna Amaretto (Deedee Pfeiffer) anc s'al sò nóm véra 'l è Allison.