Universitê ed Mòdna e Rèz
|
C'l artìcul chè 'l è scrit in
Arzân |
L'Universitê ed Mòdna e Rèz (Università di Modena e Reggio Emilia in italiân – Universitas Studiorum Mutinesis et Regiensis in latèin) in lètri UniMoRe l'é 'n' universitê urganişêda secònd un mudèl reti di sede. La só qualitê particulêra l'é còla 'd èser sustgnûda da un prugèt de şvilóp ch' al mèt insèm dō universitê.
Mòdna (sît ed la secònda universitê pió antîga d' Itâlia, l'é còla dal sèt tr'al j universitê mundiêli, nasûda int al 1175 e chersûda intōren al stôrich Studium mutinensis) e Rèz dal 1998 àn dê via a un lêregh e-şvilóp ed l'Universitê ch' l'à purtê a fêr fîn incō 8 facoltê a Mòdna e 4 a Rèz.
Int al 2005 l'universitê arzâna l'é stêda spustêda int la vècia Caşêrma Zucchi, cun un miuramèint di lochêl e dal materiêl; vídeo-proietōr int tóti al clâs, nōv laboratôri 'd informâtica e la posibilitê ed coleghêrs a Internèt wireless (sèinsa fîl).
Int al 2008 a s' é tgnû l'inavgurasiòun de la facoltê ed Giurisprudèinsa, spustêda dal vèc pôst ed véia Universitê al stôrich complès dal vèc cunvèint dal sōri ed Sân Zemiân, int la véia cun l'istès nòm, per l'ucaşiòun l'é stê restarvê dal tót.
Prèmi
Int al 2007 l'é stêda elèta cme miōra universitê póblica a livèl nasionêl, per servési e rişultê a êlt livèl, dal giurnêl Il sole 24 ore, mèinter int al 2008 l'é calêda ed sōl dû pôst, drêda al Politecnico di Milano e a l' universitê ed Trièst (claséfica dal lój 2008)[1].
Sèimper secònd la claséfica dal Il Sole 24 ore l'é turnêda al secònd pôst int al lój 2009 [2], armêşa sèimper óna dal celèisi italiâni
L'Universitê la fà pêrt dal cunsôrsi tr' al j universitê CINECA.
Urganişasiòun
Al facoltê ed Mòdna a s câte int trèi zôni divêrsi ed la sitê:
- in cèinetr sitê:
- int al policlénich:
- int al complès dal campus sientéfich:
- int al cumplès inzgnaréstich:
Còli ed Rèz invēci a gh' àn dû indirés:
- Via Amendola
- Viēl Allegri
Nôti
Êter prugèt
Wikimedia Commons contiene file multimediali su Universitê ed Mòdna e Rèz
Colegamèint d'ed fōra
Nôta: cla pâgina ché l'é stêda fâta cun la tradusiòun ed Università di Modena e Reggio Emilia trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.