Università 'd Guadalajara
|
C'l artìcul chè 'l è scrit in
Miranduléś |
L’Università 'd Guadalajara (Universidad de Guadalajara in spagnōl, cgnusùda anc cuma UdeG) l'è n'università pùblica ch'la gh'à la sēd a Guadalajara, in dal stat ad Jalisco in Mèsic. L'è stada fundàda uriginarmènt in dal 1792 da 'l rè ad Spaggna Carl IV e p'r al véscuv Antonio Alcalde y Barrayo e pò arfundàda in dal 1925. A s trata d'n istitùt fra i piò antìg e impurtànt dal paēś e 'l sò mòt in spagnōl 'l è „Piensa y Trabaja“ (Pénsa e Lavóra).
La gh'à un sistēma returiàl stéś in tut al stat, cun facultà difarènti e sènt'r universitàri in du a s pōl studiàr ecunumìa, dirìt, siénsi dla salùt, art e dimóndi atri matèri, esénd anc al sèntar culturàł più grand dla regiòn. Fra i sò studènt, prufesōr e persunàǵ ligâ a cl'università chè a 'rcurdém José Clemente Orozco (ch'l à fat lè di sò afrésc a 'l Paraninfo), Mariano Azuela (ch'l è dvintâ mèdag cirùśig chè), Guillermo del Toro (studènt e insgnànt ad regìa a 'l cìnema), al scritōr Agustín Yáñez e 'l pulìtig Valentín Gómez Farías, prèsidènt dal Mèsic par sinc vòlti in dal XIX sécul.
Culegamènt estéran
Àtar prugèt
Wikimedia Commons contiene file multimediali su Università 'd Guadalajara
