United Artists
|
C'l artìcul chè 'l è scrit in
Miranduléś |
La United Artists Corporation (UAC) l'è na cà 'd prudusiòṅ e 'd distribusiòṅ ad film americàna ch'la fà part dal grup Metro-Goldwyn-Mayer. L'è stada fundàda a Hollywood al 5 ad favràr dal 1919 da la Mary Pickford, da Charlie Chaplin, da Douglas Fairbanks e da David Wark Griffith ch'i vlìv'n al cuntròl pîṅ, creatìṿ e finansiàri, dal sò òvri. La gh'à la sò sēd a Culver City in Califòrgna.
Da i an Ssanta in avànti l'à puntâ su di regìsta cuma John Sturges, Stanley Kramer, Norman Jewison e Robert Aldrich mént'r in di an Stanta i s èṅ śuntâ Woody Allen, Bernardo Bertolucci e Miloš Forman.
Da 'l 1967 a 'l 1981 la UAC l'è finìda in dal maṅ dal grup Transamerica par pò èsar cumpràda da la MGM a séguit di guàj finansiàri e dal falimènt cauśâ da 'l flop clamuróś dal film I cancelli del cielo ad Michael Cimino.
Da 'l 1923 a 'l 1952 la United Artists 'l à prudót tut i film più impurtànt dla caréra 'd Chaplin. Fra gl'atri pelìculi fati da cla cà chè a psém nutàr Giglio infranto, Scarface - Lo sfregiato, Intermezzo, Ombre rosse, La sanguinaria, La morte corre sul fiume, La parola ai giurati, A qualcuno piace caldo, L'appartamento, Gli spostati, La Pantera Rosa, La calda notte dell'ispettore Tibbs, Un uomo da marciapiede, Donne in amore, Il dittatore dello stato libero di Bananas, Anche i dottori ce l'hanno, Tutto quello che avreste voluto sapere sul sesso* *ma non avete mai osato chiedere, Ultimo tango a Parigi, Qualcuno volò sul nido del cuculo, Carrie - Lo sguardo di Satana, Quinto potere, Rocky, Manhattan, Rain Man - L'uomo della pioggia, La bambola assassina, Il duro del Road House, Il tuo amico nel mio letto, Showgirls, La maschera di ferro, Jeepers Creepers - Il canto del diavolo, Coffee and Cigarettes, Truman Capote - A sangue freddo e Operazione Valchiria.
Cuma distributōr l'à fat vgnir fóra film cuma È nata una stella, Rebecca - La prima moglie, Il ladro di Bagdad, Io ti salverò, Agente 007 - Licenza di uccidere, Il laureato, Salò o le 120 giornate di Sodoma, Novecento, Il vizietto, Apocalypse Now e Cruising.