Un ragazzo, tre ragazze
|
C'l artìcul chè 'l è scrit in
Miranduléś |
 Conte d'été | ||
| Un ragazzo, tre ragazze | ||
 La Gwenaëlle Simon in na figùra dal film | ||
| Un ragàs, tré ragàsi 1996 | ||
|---|---|---|
| Regìa: Éric Rohmer | ||
| Scritōr: Éric Rohmer | ||
| Atōr: Melvil Poupaud • Amanda Langlet Gwenaëlle Simon • Aurelia Nolin • Aimé Lefèvre Alain Guellaff • Evelyne Lahana • Yves Guérin | ||
| Müsica: Philippe Eidel • Sébastien Erms | ||
| Léngua: Francéś | ||
| Dürä dal film: 113 minüt | ||
| Nasiōṅ: Frància | ||
Un ragazzo, tre ragazze (Un ragàs, tré ragàsi), cgnusû anc c'n al tìtul ad Racconto d'estate, l'è na cumèdia dal 1996 scrita e diréta p'r Éric Rohmer, preśentàda a 'l 49śum Fèstival ad Cannes in dla sesiòṅ Un Certain Regard.
'L è 'l tèrs epiśòdi dal cicclo di Racònt dal quàtar stagiòṅ dòp Racconto di primavera (1989) e Racconto d'inverno (1992) e prima 'd Racconto d'autunno (1998).
Sunt
[mudéfica la surzéia]In dal méś ad Luj Gaspard (Melvil Poupaud), laureâ da pôc in matemàtica e cun la pasiòṅ par la chitàra e 'l canti di marinàr, al riva a 'l mâr in Bretàgna in dua 'n sò amìg al gh'à dâ na cà in prèst par pasàr-'g al sò vacànsi. Lè al cgnós la camaréra Margot (Amanda Langlet) ch'la lavóra in dal risturànt di sò sîṅ par métar via quèl e par pagàr-'s i sò studi in etnulugìa. I dū i s fàn'n amìg e i pàs'n al tèmp lìbar a far di gir a pē, dascurénd ad tut.
Un dè al ragàs al gh diś ch'al spéta la sò muróśa, la Léna (Aurelia Nolin), p'r andàr a far na scapàda insém in dl'ìśula 'd Ouessant, sōl ch'adès lē l'è via in Spaggna cun na sò cuśìna, a dir-la tuta al n è gnanc sicûr ch'la s faga védar dabòṅ.
La Margot al pòrta 'l śōvan in discutéca in du na sò amìga, la Solène (Gwenaëlle Simon), la gh buta i òć adòs. Quànd pò chi lē la 'l incróśa da par lò a 'l mâr la taca butòṅ sèg invitànd-'l a pasàr na giurnàda in barca insém e 'l ragàs al gh astà. Quànd i dū i èṅ in cà da par lōr Gaspard al s fà avànti ma la śōvna la gh diś ch'la n vōl mia far sès a 'l prim apuntamènt, la vōl dvintàr la sò muróśa ma sōl se lò al gh'à di intensiòṅ sèri.
Gaspard al s cata insaplâ fra tré ragàsi, a tuti 'l à prumìs ad purtàr-li a far na gita a Ouessant, quànd a riva anc la Léna lò al n sà più csa far, 'l è indecìś e al n gh'à minga al curàǵ ad tōr na deciśiòṅ.