Uma Thurman

C'l artìcul chè 'l è scrit in Miranduléś

LʼUma Karuna Thurman (Boston, 29 'd Avrìl dal 1970, a s lèś [ˈuːmə ˈθɜːrmən] in ingléś), l'è n'atōra americàna, candidàda a i Prèmi Òscar dal 1995 par la part dla Mia Wallace fata in Pulp Fiction girâ cun John Travolta e Bruce Willis par la regìa ad Quentin Tarantino ch'al l'à dirèta anc in Kill Bill: Volume 1 (2003) e in Kill Bill: Volume 2 (2004). In dal 2002 l'à vins un Golden Globe p'r al film dramàtic Gli occhi della vita girâ par la televiśiòṅ insém a la Juliette Lewis e a Ben Gazzara.

La gh'à na stéla in dla Hollywood Walk of Fame.

Biugrafìa

Uriginària dal Massachusetts, da śōvna la stùddia a la Professional Children's School ad New York quànd la capìs a quìnd'ś an 'd avēr na pasiòṅ par la recitasiòṅ. 'L eśurdìs a 'l cìnema in dal 1987 c'n al film Laura ch'l è 'n flop anc s'la Bibliutéca dal Cungrès di Stat Unî l'à mis cl'òvra chè in dla lista di sènt-sinquànta film da védar prima 'd murìr.

Al sucès al riva 'l an dòp quànd la gira La grande promessa insém a Robert Downey Jr., Le relazioni pericolose insém a John Malkovich, la Glenn Close e la Michelle Pfeiffer e Le avventure del barone di Munchausen in du la fà la part dla Vènar.

In di an Nuànta l'è la lèśbica mujēr 'd Henry Miller in Henry & June, la Lady Marian in Robin Hood - La leggenda, la surèla dla Kim Basinger in dal thriller Analisi finale, l'òrba prutagunìsta dal śal Gli occhi del delitto, c'n Andy García, e la ragàsa cuntéśa fra Robert De Niro e Bill Murray in Lo sbirro, il boss e la bionda.

In dal 1993 l'è la prutagunìsta cun dū pòlas grand ch'la và in gir faghénd 'l autostop in dla cumèdia dramàtica Cowgirl - Il nuovo sesso, a fiànc dl'Angie Dickinson, ad Keanu Reeves, ad John Hurt e 'd River Phoenix ch'al mōr prima ch'al film al vgnis fóra.

In dal 1994 la gh'à 'l rōl ch'al vâl na caréra in Pulp Fiction, qvél dla visiàda e sexy Mia Wallace. Tri an dòp la fà la part dla catìva Poison Ivy, nemìga 'd Batman, in Batman & Robin ad Joel Schumacher in dua l'incróśa George Clooney, Chris O'Donnell, l'Alicia Silverstone e Arnold Schwarzenegger e pò qvéla dla siensiàda inamuràda 'd Ethan Hawke in dal fantasientìfic Gattaca - La porta dell'universo. In dal 1999 Woody Allen al la sarnìs par la part dna giunalìsta in Accordi e disaccordi a fiànc ad Sean Penn.

La Thurman la vèra i an Dumìla girànd al film biugràfic Vatel su la vita 'd François Vatel, interpretâ par Gérard Depardieu, pò la tórna a lauràr cun Quentin Tarantino faghénd la part dna sasìna prufesiunìsta espèrta in art marsiàli in Kill Bill: Volume 1 e Volume 2. In dal 2005 l'è a fiànc ad John Travolta in dla cumèdia Be Cool. In séguit la rècita cun la Meryl Streep in Prime e cun Matthew Broderick in dal film muśicàł The Producers - Una gaia commedia neonazista su 'n sugèt ad Mel Brooks. In dal 2006 la fà na super-eruìna in La mia super ex-ragazza méntar dū an dòp l'è na psicóluga espèrta in prubléma 'd amōr in Un marito di troppo.

In dal 2012 la gira al drama eròtic Bel Ami - Storia di un seduttore, cun Robert Pattinson e la Christina Ricci, e la cumèdia sentimentàla ad Gabriele Muccino Quello che so sull'amore a fiànc ad Gerard Butler e dla Catherine Zeta-Jones. 'L an dòp l'è la vòlta dal drama pòran Nymphomaniac ad Lars von Trier in dua la fà la part dla Mrs. H.

La Thurman la s è spuśàda dó vòlti, in dal 1990 cun Gary Oldmann e in dal 1998 cun Ethan Hawke. Da 'l 2007 a 'l 2014 l'è stada ligàda a 'l óm 'd afâr francéś Arpad Busson.

Filmugrafìa

1987 - Laura (Kiss Daddy Goodnight), regìa ad Peter Ily Huemer
1988 - La grande promessa (Johnny Be Good), regìa ad Bud S. Smith
1988 - Le relazioni pericolose (Dangerous Liaisons), regìa ad Stephen Frears
1988 - Le avventure del barone di Munchausen (The Adventures of Baron Munchausen), regìa ad Terry Gilliam
1990 - Dalla parte del cuore (Where the Heart Is), regìa ad John Boorman
1990 - Henry & June, regìa ad Philip Kaufman
1991 - Robin Hood - La leggenda (Robin Hood), regìa ad John Irvin
1992 - Analisi finale (Final Analysis), regìa ad Phil Joanou
1992 - Gli occhi del delitto (Jennifer Eight), regìa ad Bruce Robinson
1993 - Lo sbirro, il boss e la bionda (Mad Dog and Glory), regìa ad John McNaughton
1993 - Cowgirl - Il nuovo sesso (Even Cowgirls Get the Blues), regìa ad Gus Van Sant
1994 - Pulp Fiction, regìa ad Quentin Tarantino
1995 - Un mese al lago (A Month by the Lake), regìa ad John Irvin
1996 - Beautiful Girls, regìa ad Ted Demme
1996 - Un uomo in prestito (The Truth About Cats & Dogs), regìa ad Michael Lehmann
1997 - Batman & Robin, regìa ad Joel Schumacher
1997 - Gattaca - La porta dell'universo (Gattaca), regìa 'd Andrew Niccol
1998 - I miserabili (Les Misérables), regìa ad Bille August
1998 - The Avengers - Agenti speciali (The Avengers), regìa ad Jeremiah S. Chechik
1999 - Accordi e disaccordi (Sweet and Lowdown), regìa ad Woody Allen
2000 - Vatel, regìa ad Roland Joffé
2000 - The Golden Bowl, regìa ad James Ivory
2001 - Tape, regìa ad Richard Linklater
2001 - Chelsea Walls, regìa 'd Ethan Hawke
2002 - American Psyco 2, regìa ad Morgan J. Freeman
2002 - Gli occhi della vita (Hysterical Blindness), regìa dla Mira Nair – Film TV
2003 - Kill Bill: Volume 1, regìa ad Quentin Tarantino
2003 - Paycheck, regìa ad John Woo (2003)
2004 - Kill Bill: Volume 2, regìa ad Quentin Tarantino
2005 - Be Cool, regìa ad F. Gary Gray
2005 - Prime, regìa ad Ben Younger
2005 - The Producers - Una gaia commedia neonazista (The Producers), regìa dla Susan Stroman
2006 - La mia super ex-ragazza (My Super Ex-Girlfriend), regìa 'd Ivan Reitman
2007 - Davanti agli occhi (The Life Before Her Eyes), regìa ad Vadim Perelman
2008 - Un marito di troppo (The Accidental Husband), regìa ad Griffin Dunne
2008 - My Zinc Bed - Ossessione d'amore (My Zinc Bed), regìa 'd Anthony Page – Film TV
2008 - A Muppets Christmas: Letters to Santa, regìa ad Kirk R. Thatcher – Film TV
2009 - Motherhood - Il bello di essere mamma (Motherhood), regìa dla Katherine Dieckmann
2010 - Percy Jackson e gli dei dell'Olimpo - Il ladro di fulmini (Percy Jackson & the Olympians: The Lightning Thief), regìa ad Chris Columbus
2010 - Ceremony, regìa ad Max Winkler
2012 - Bel Ami - Storia di un seduttore (Bel Ami), regìa ad Declan Donnellan e 'd Nick Ormerod
2012 - Quello che so sull'amore (Playing for Keeps), regìa ad Gabriele Muccino
2013 - Comic Movie (Movie 43), regìa ad Steven Brill, Peter Farrelly, Will Graham, Steve Carr, Griffin Dunne, James Duffy, Jonathan van Tulleken, Elizabeth Banks, Patrik Forsberg, Brett Ratner, Rusty Cundieff e James Gunn
2013 - Nymphomaniac, regìa ad Lars von Trier
2015 - Il sapore del successo (Burnt), regìa ad John Wells
2018 - Dark Hall (Down a Dark Hall), regìa ad Rodrigo Cortés
2018 - La casa di Jack (The House That Jack Built), regìa ad Lars von Trier
2018 - The Brits Are Coming - La truffa è servita (The Con Is On), regìa ad James Oakley
2020 - Nonno questa volta è guerra (The War with Grandpa), regìa ad Tim Hill
2022 - Hollywood Stargirl, regìa dla Julia Hart
2023 - Rosso, bianco & sangue blu (Red, White & Royal Blue), regìa ad Matthew Lopez
2023 - La stanza degli omicidi (The Kill Room), regìa dla Nicol Paone
2024 - Oh, Canada - I tradimenti (Oh, Canada), regìa ad Paul Schrader
2025 - The Old Guard 2, regìa dla Victoria Mahoney

Culegamènt estéran

Àtar prugèt

Wikiquote contiene citazioni di o su Uma Thurman
Wikimedia Commons contiene file multimediali su Uma Thurman