Tutto sua madre
|
C'l artìcul chè 'l è scrit in
Miranduléś |
 Les garçons et Guillaume, à table! | ||
| Tutto sua madre | ||
 Guillaume Gallienne in na figùra dal film | ||
| Tut sò màdar 2013 | ||
|---|---|---|
| Regìa: Guillaume Gallienne | ||
| Scritōr: Guillaume Gallienne Claude Mathieu • Nicolas Vassiliev | ||
| Atōr: Guillaume Gallienne • Françoise Fabian André Marcon • Diane Kruger • Nanou Garcia Charlie Anson • Götz Otto • Nicolas Wanczycki | ||
| Müsica: Marie-Jeanne Serero | ||
| Léngua: Francés • Tedésc • Spagnōl • Ingléś | ||
| Dürä dal film: 86 minüt | ||
| Nasiōṅ: Frància • Bélgi | ||
Tutto sua madre (Tut sò màdar) 'l è na cumèdia francéśa e bèlga dal 2013 ad Guillaume Gallienne. Al tìtul uriginàl, che tradót in emigliàṅ a vōl dir “I ragàs e Guillaume, a tavla!”, 'l è la fraś ch'la sigàva la màd'r ad Guillaume in dal ciamàr i sò tri fiōi masć quànd 'l éra prònt da magnàr.
La pelìcula, baśàda su n'òvra teatràla dal prutagunìsta su la sò vita, l'è stada bòna 'd far sù vint-sinc migliòṅ ad dòlar 'd incàs a frònt 'd un cóst 'd òt è mèś.
Sunt
[mudéfica la surzéia]In un teàtar Guillaume (Guillaume Gallienne) al cònta a 'l pùblic la sò vita. Quànd 'l éra pìcul al s cumpurtàva sèmpar da chéca, insuniànd-as 'd èsar la prinsipésa Sissi o ad psēr-as métar di vistî da dóna, c'n un ligàm dimóndi fòrt cun sò màdar (Guillaume Gallienne), na dóna fòrta ch'la tira da spés dal madóni. Sò pàdar (André Marcon), più tradisiunàł, al vliva che lò al s cumpurtìs più da masć cuma i sò dū fradèi e ch'al faśìs dal spòrt. Guillaume 'l è anc bòṅ ad far la vóś ad sò màdar, tant ch'i gh càscan tut, anc sò nunóna, la Babou (Françoise Fabian).
Quànd Guillaume al dmanda a sò màdar 'd andàr in Spaggna p'r imparàr la léngua, lē la 'l manda in un paiśèṅ in Andaluśìa, darènt a Gibiltèra, da na dóna ciamàda Paqui (Nanou Garcia) ch'la n éra gnanc bòna 'd dascór'r in francéś. Prima ad turnàr a cà Guillaume al fà in tèmp a imparàr a balàr la Sevillana, un balét dal pòst ch'al sumìlia a 'l fandàng, ma a la manéra ad cal dóni, minga ad chi óm.
Par giustàr-al, sò pàdar 'l al manda prima in un culéǵ cristiàṅ par masć, pò in un college ingléś. Quànd 'l è óra 'd partìr par far al militàr, i psicòlug i al làs'n a cà. Su cunsìli dna sò sîna dla Califòrgna (Brigitte Catillon) al próa anc a cgnósar di gay, cuma Karim (Reda Kateb) incruśâ in discutéca p'r óm, par védar se lò 'l è cumpàgn, ma a n funsiòna minga.
In séguit, a na séna cun di amìghi, al cgnós lʼAmandine (Clémence Thioly) e al s inamóra 'd lē. Adès al prubléma 'l è cuntàr-'l in cà a sò màdar.