Tulóśa
|
C'l artìcul chè 'l è scrit in
Miranduléś |
Tulóśa (in francéś Toulouse, a s lèś [tu.ˈluz]) l'è na sità francéśa ad sincsènt-quatordasmìla abitànt a 'l incìrca, al quàrt sèntar più impurtànt dal paéś dòp Parì, Marsìglia e Liòṅ. L'è 'l caplōg dla regiòṅ dl'Ucitàgna, in dal dipartimènt dla Garóna Élta, in dal sud dla Frància, a sènt km da i Pirenèi e a mità strada fra 'l ucéan Atlàntic e 'l mâr Mediteràni. In mèś a gh pasa 'l fiùm dla Garóna.
La gh'à dū sit patrimòni dl'umanità par 'l UNESCO: la baśìlica ad Saint-Sernin, òṅ di dū edifìsi più grand 'd Európa in stîl rumànig, e 'l Canal du Midi, un canàł artifisiàł lung 241 chilómetar. In sità a gh'è n'università da 'l 1229, una dal più vèci dal cuntinènt. L'è divìśa in ùndas cantòṅ par na superfìsi ad 118,3 km² in tut. Durànt 'l Ēṿ Mèdi l'è stada la capitàl dal régn di Viśigôt.
In sità a và fòrt l'industrìa, specialmènt qvéla aero-spasiàla cun la sēd di aparéć di Airbus e anc dal CNES, ma anc qvéla di metài e dla chìmica. Al sò sìndig, da 'l 2020, 'l è Jean-Luc Moudenc di republicàṅ.
Persunàǵ famóś ligâ a Tulóśa
[mudéfica la surzéia]- Daniel Bravo, śugadōr ad fólbar
- Blaise Matuidi, śugadōr ad fólbar
- Philippe Mexès, śugadōr ad fólbar
- Hugo Gaston, tenìsta
- François de Troy, pitōr
- Louis Aliot, pulìtig
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Tulóśa
