Trespass (film)
|
C'l artìcul chè 'l è scrit in
Miranduléś |
 Trespass | ||
.png) La Kidman, Mendelsohn e Cage in na figùra dal film | ||
| Viulasiòṅ ad pruprietà 2011 | ||
|---|---|---|
| Regìa: Joel Schumacher | ||
| Scritōr: Karl Gajdusek | ||
| Atōr: Nicolas Cage • Nicole Kidman • Dash Mihok Cam Gigandet • Ben Mendelsohn • Jordana Spiro Liana Liberato • Emily Meade • Nico Tortorella | ||
| Müsica: David Buckley | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Trespass (Viulasiòṅ ad pruprietà) 'l è 'n thriller americàṅ dal 2011 ad Joel Schumacher, al sò ùltim film prima 'd murìr in dal 2020, preśentâ a 'l International Film Festival ad Turònt.
Al film 'l à fat sù sōl déś migliòṅ ad dòlar dòp ès'r-an custâ dagnóra trénta-nóṿ.
Sunt
[mudéfica la surzéia]Kyle Miller (Nicolas Cage) 'l è 'n óm 'd afâr ch'al vénd di diamànt. Al viṿ in na vila in Luiśiàna insém a sò mujēr, la Sarah (Nicole Kidman), e a sò fiōla ciamàda Avery (Liana Liberato), na ragàsa piutòst arvèrsa. Na nòt, méntar chi lē la và via 'd cà ad nascòst p'r andàr a na fèsta cun la sò amìga Kendra (Emily Meade), soquànt delinquènt cun di pasa-muntàgna in fàcia, i gh la càv'n a far-as vèrar da i Miller faghénd-as pasàr par di pulisiòt. A s trata 'd Elias (Ben Mendelsohn), al cap, dla sò muróśa Petal (Jordana Spiro), ad sò fradèl più pìcul Jonah (Cam Gigandet), ch'l iva fat di lavursèṅ a 'l sistéma 'd sicurésa dla vila, e 'd al sò amìg Ty (Dash Mihok).
Elias 'l órdna a Kyle ad vèrar la casafòrt par purtàr via i sò diamànt ma 'l óm al próa a reśìstar parchè al sà che dòp 'l è fàcil ch'al grup al pòsa masàr lò e sò mujēr.