Trafficanti
|
C'l artìcul chè 'l è scrit in
Miranduléś |
 War Dogs | ||
| Trafficanti | ||
 Jonah Hill e Miles Teller in na figùra dal film | ||
| Trafichèṅ 2016 | ||
|---|---|---|
| Regìa: Todd Phillips | ||
| Scritōr: Stephen Chin • Todd Phillips Jason Smilovic • Guy Lawson | ||
| Atōr: Jonah Hill • Miles Teller • Bradley Cooper Ana de Armas • JB Blanc • Patrick St. Esprit Shaun Toub • Kevin Pollak • Dan Bilzerian | ||
| Müsica: Cliff Martinez | ||
| Léngua: Ingléś • Àrab • Albanéś • Rumên | ||
| Dürä dal film: 114 minüt | ||
| Nasiōṅ: Stat Unî | ||
Trafficanti (Trafichèṅ) l'è na cumèdia dramàtica americàna dal 2016 ad Todd Phillips trata da di fat sucès dabòṅ. Custâ quarànta migliòṅ ad dòlar, al film al 'n pò à fat sù da piò 'd utànta-siē.
In dla culòna sunóra dal film i s càt'n i pès You Keep Me Hangin' On, cantâ p'r i Vanilla Fudge, Wish You Were Here di Pink Floyd, What Is Love? 'd Haddaway, So What'Cha Want di Beastie Boys, What Up Gangsta ad 50 Cent, Sweet Emotion di Aerosmith, The Passenger 'd Iggy Pop, Ain't That a Kick in the Head ad Dean Martin, Girl, You'll Be a Woman Soon ad Neil Diamond e Behind Blue Eyes di The Who. In un camèo fat in dal ricòvar a 'l inìsi dal film, David Packouz al canta inóltar (Don't Fear) The Reaper di Blue Öyster Cult.
Sunt
[mudéfica la surzéia]David Packouz (Miles Teller) 'l è 'n śuvnòt ebrèj ch'al vîṿ in Flòrida. Par vìv'r al fà di sfrēg a dla gint rica 'd Miami ma al n è minga cuntènt dal stipéndi ch'al ciàpa e gnanc dal lavōr. Al próa a vèndar di linsōi a di ricòvar dal pòst ma i afâr i n vànan minga bèṅ. Esénd che sò mujēr Iz (Ana de Armas) la spèta na putìna, e dònca la famìja la gh'à biśógn ad bèsi, al decìd ad far-as sòci c'n un sò èx cumpàgn ad scóla, Efraim Diveroli (Jonah Hill), fundadōr dna sucietà ciamàda AEY ch'la vénd dgl'armi a 'l eśèrcit americàṅ, impgnâ in dla guèra dal Gōlf in Iràq.
Par far sù gl'armi da véndar, Efraim al n s fà minga di prubléma a mét'r in at di tragatèṅ o a cumpràr dal furnidùri da di marcâ minga legài. Quànd Henry Girard (Bradley Cooper), un trafichèṅ 'd armi in dla lista négra dla CIA, al s fà avànti cun Packouz par śibìr-ag par pôc un càrag ad prujètii rus, férum in Albanìa da i tèmp dla guèra fréda, par pò vénd'r-i a i americàṅ impgnâ in Afgànistan, la AEY la fà 'n pat sèg.
Firmâ 'l acòrd e vins 'l apàlt a salta fóra però ch'i prujètii i èṅ dagnóra tut ad fabricasiòṅ cinéśa, un quèl ch'al pruibìs la véndida in di Stat Unî esénd la Cina sóta embàrg. Efraim al strulga però 'n piàṅ par cambiàr tut al scatli 'd légn, cun scriti in cinéś, cun dal busti 'd plàstica.