Torrance (Califòrgna)
|
C'l artìcul chè 'l è scrit in
Miranduléś |
Torrance l'è na sità ad sènt-sinquantamìla abitànt a 'l incìrca ch'la s cata in dal sud-òvest dla cuntèa 'd Los Angeles in Califòrgna.
Par 2,4 km la dà su 'l ucéan Pasìfic in dla baja 'd Santa Mònica e la gh'à trénta parc cuma 'l Madrona Marsh Preserve & Nature Center e 'l sò padól. La gh'à na superfìsi 'd 53,18 km².
Al sò clima 'l è mediteràni e la sò pupulasiòṅ la s divìd fra 'n 52,36% ad biànc, un 28,42% 'd aśiàtic e 'n 12,79% 'd ispànig, c'n un PIL par parsòna ad 57.392 dòlar. In sità a gh'à la sēd americàna dla Honda.
Al sò sìndig 'l è George Chen, uriginàri ad Taiwan. La sità l'è da la banda di demucràtic, in di elesiòṅ presidensiàli americàni dal 2020 l'à dâ 'l 71,0% di vōt a Joe Biden cónt'r al 26,9% par Donald Trump.
Persunàǵ ligâ a Torrance
- Brandon Call, atōr
- Rami Malek, atōr
- Justine Wong-Orantes, śugadōra 'd vòley, mdaja 'd òr a gl'Ulimpìadi ad Tòkyo
- Danny Barber, masadōr seriàł
- William Suff, masadōr seriàł